SUN குழுமத்திலிருந்து வெளிவரும் காலை நாளிதழ்

நீங்களும் தொழில்முனைவோர் ஆகலாம்!

2020-02-24@ 17:13:03

நன்றி குங்குமம் தோழி

ஒவ்வொரு அத்தியாயத்திலும் தொழில் முனைவோருக்கான அடிப்படை வழிகாட்டல் மற்றும் அவர்கள் படிப்படியாக எவ்வாறு தங்கள் தொழிலில் வளர்ச்சி அடைய வேண்டும் என்பது முதல் ஊழியர்களை நடத்தும் முறைகள் என அனைத்து  விசயங்கள் குறித்தும் ஆராய்ந்தோம். தொழில் ஒரு பக்கம் விருத்தி அடைந்தாலும், அதனை வெற்றிகரமாக மேலும் அடுத்தக் கட்டத்திற்கு நகர்த்தி செல்ல ஊடகங்கள் மிக முக்கிய பங்கு வகித்து வருகிறது. குறிப்பாக சமூக ஊடகங்கள். இதில் எவ்வாறு தங்களின் தொழிலை சிறப்பாக வழிநடத்தலாம் என்பதை பற்றி இந்த அத்தியாயத்தில் தெரிந்துகொள்ளலாம்.

தொழில்முனைவோர் த‌ங்க‌ள் தொழிலை ஏதோ ஒரு பு‌திய முறையில் ஊக்குவிக்க முற்படுவது இயல்பு. அதை  இரண்டு விதமாக செயல்படுத்தலாம். அதாவது இலவசமாகவும், பணம் செலுத்தியும் இதை செய்யலாம். எந்த ஒரு சந்தைப்படுத்துதல் முறையை போலவே இதையும் சரியாக பயன்படுத்த வேண்டும். இளம் தொழில்முனைவோருக்கு மாறிவரும் சமூக ஊடக சூழல் வெற்றிபெற உதவிகரமாக இருக்கும். வடிவமைப்பு முக்கியம் சமூக ஊடக பக்கம் உண்மையில் வலைத்தளத்திற்கு ஒரு நல்ல மாற்றமாக இருக்கும். உள்ளிருக்கும் தகவல் தானே முக்கியம் என்று உங்கள் பக்கங்களுக்கான நல் தோற்றம் மற்றும் முக்கியத்துவத்தை நீங்கள் புறக்கணிக்க வேண்டும் என்றில்லை. முகநூலைப் பொறுத்தவரை, உங்கள் வலைத்தளத்தில் பேனராக செயல்படும் ஒரு நல்ல அட்டைப் பக்கத்தை நீங்கள் வடிவமைத்து அதில் பதிவு செய்யலாம்.

ட்விட்டருக்கு, உங்களின் ஒரு தலைப்பு புகைப்படம் தேவைப்படும். அதை பதிவு செய்யலாம் அல்லது அதற்கு பதில் உங்கள் நிறுவனத்தின் லோகோவை பதிவு செய்யலாம். இதன் மூலம் சமூக வலைத்தளங்களில் உங்களின் நிறுவனத்தை மக்கள் மனதில் பதிய வைப்பது எளிது. ஒவ்வொரு சமூக ஊடக வலைத்தளத்திற்கும் நீங்கள் உருவாக்க வேண்டிய ஒவ்வொரு புகைப்படத்திற்கான அனைத்து அளவு விவரக்குறிப்புகளையும் நீங்கள் அறிந்து கொள்ள வேண்டும். உங்கள் அட்டைப் புகைப்படத்தின் (cover photo/ header) சில பகுதிகள் பின்னணி படங்களை மறைக்கக்கூடும் என்பதையும் நினைவில் கொள்வது அவசியம். மேலும் அவ்வாறு புகைப்படம் வைக்கும் போது நீங்கள் முக்கிய தகவலை வைத்துள்ளீர்கள் என்பதை உறுதிப்படுத்திக் கொள்ளுங்கள்.

மாறுபட்ட உள்ளடக்கத்தை வெளியிடுக…சமூக ஊடக சூழல் பல்வேறுபட்டது. உங்களைப் பின்தொடர்பவர்களுக்கு செய்தி பதிவுகளை மட்டுமே வைத்து அவர்கள் தொடர்புகொள்வார்கள் என்று எதிர்பார்க்க முடியாது. இன்ஃபோ கிராபிக்ஸ், வாக்கெடுப்புகள், வீடியோக்கள், வினாடி வினாக்களை உருவாக்குங்கள். உங்கள் தொழில்துறையின் புதிய செய்திகளைப் பற்றி எழுதுங்கள். தொழில் வல்லுநர்கள் கூறும் பயனுள்ள விஷயங்களை இதில் பரிந்துரைப்பது மட்டும் அல்லாமல் அவர்களின் கருத்துகளையும் கேட்டு பகிர வேண்டும். பின் தொடர்பவர்களில் சிலர் வாசிப்பை விரும்புகிறார்கள், சிலர் புதியவற்றைக் கற்றுக்கொள்ள வீடியோ டுடோரியல்கள் அல்லது மதிப்புரைகளைப் பார்ப்பார்கள். அதற்கு ஏற்ப உங்களின் பதிவுகள் இருப்பது அவசியம்.

கருத்துகள் மற்றும் செய்திகளுக்கு உடனடியாக பதிலளிக்கவும் வாடிக்கையாளர்கள் இதை மிகவும் வசதியாகக் காண்கிறார்கள். மேலும் விரைவான பதிலைப் பெறுவார்கள் என்றும் நம்புகிறார்கள். அவர்களின் எதிர்பார்ப்புகளை பூர்த்தி செய்தால்மட்டுமே நீங்கள் பயனடைவீர்கள். கருத்துகளிலும் இதே நிலைதான். அவர்களின் கருத்துக்களுக்கு நீங்கள் பதில் சொல்லவில்லை என்றால், அவர்கள் உங்களின் பதிவுகளையும் அவர்கள் தவிர்த்துவிடுவார்கள். தங்களின் கருத்துக்களுக்கு “நன்றி” என்று சொல்வதில் அக்கறை கொண்ட ஒருவரையே அவர்கள் விரும்புவார்கள்.

ஒவ்வொரு தளத்திற்கும் தனித்தனியாக உங்கள் உள்ளடக்கத்தை உருவாக்கவும் உங்கள் பிராண்டை விளம்பரப்படுத்த நீங்கள் எத்தனை சமூக ஊடக தளங்களை தேர்வு செய்தாலும், அவை ஒருபோதும் ஒரே மாதிரியாக இருக்காது. சில தளங்கள் உரை பதிவுகளை விட படங்களில் அதிக கவனம் செலுத்துகின்றன. இதற்கு நீண்ட விளக்கங்கள் தேவையில்லை (Pinterest மற்றும் Instagram). சில தளங்கள் அதிக வணிக நோக்குடையவை. எனவே வேடிக்கையான கதைகள் அங்கு பொருத்தமற்றதாக இருக்கும் (LinkedIn). ஒரு இடுக்கை எழுத்துக்களின் அடிப்படையில் உங்களை கட்டுப்படுத்தும் தளங்கள் உள்ளன (Twitter). ஒவ்வொரு தளத்திலும் நீங்கள் எந்த பார்வையாளர்களைக் குறிப்பிடுகிறீர்கள், உங்கள் பதிவின் முக்கிய கவனம் என்னவாக இருக்க வேண்டும், உங்கள் பதிவு அங்கு பொருத்தமாக இருக்குமா என்பதை நீங்கள் எப்போதும் சிந்திக்க வேண்டும். உங்கள் இடுக்கைகளைத் தனிப்பயனாக்க சிறிது நேரம் ஒதுக்குங்கள்.

விளம்பரம் மூலம் தகவலறிந்த உள்ளடக்கத்தை கொடுங்கள் ஒரு இளம் தொழில்முனைவோராக, உங்கள் வணிகத்தைப் பற்றி அனைவருக்கும் தெரிவிக்கவும். உங்கள் தயாரிப்புகள் அல்லது சேவைகளை உடனடியாக அவர்களுக்கு விற்கவும் நீங்கள் ஆசைப்படலாம். ஆனால் ஒரு ஸ்மார்ட் ஆன தொழில்முனைவோருக்கு விற்பனைக்கு முன், முதலில் நம்பிக்கையை வளர்த்துக் கொள்ள வேண்டும் என்பது அவசியம். உங்கள் விளம்பர இடுக்கைகளுக்கு இடையிலான இடைவெளிகள் போதுமானவை என்பதை உறுதிப்படுத்திக் கொள்ளுங்கள். உங்கள் முடிவுகளை அளவிட பகுப்பாய்வுகளைப் பயன்படுத்தவும்முடிவுகளை விரிவாக பகுப்பாய்வு செய்ய வேண்டும். சமூக ஊடக பகுப்பாய்வு மூலம், வேறு நேரத்தில் வெளியிடப்பட்ட இடுக்கைகளின் வெளிப்பாடு மற்றும் அணுகலையினை நீங்கள் ஒப்பிட்டுப் பார்க்க முடியும்.  

மேலும் உங்கள் பார்வையாளர்கள் எந்த வகையான உள்ளடக்கத்தை அதிகம் அனுபவிக்கிறார்கள் என்பதையும் கூர்ந்துப் பார்க்க வேண்டும். நாடுகள், பாலினங்கள் மற்றும் வயது ஆகியவற்றின் வெளிப்பாட்டை பகுப்பாய்வு செய்வதும் சாத்தியமாகும். சில பதிவுகள் உங்களைப் பின்தொடர்பவர்களுடன் இணைந்து செயல்படாது என்பதை நீங்கள் கண்டால், அவற்றை குறைவாக வெளியிடுங்கள். அதிக பார்வைகள், பங்குகள், கருத்துகள் மற்றும் விருப்பங்களைப் பெருவனவற்றில் கவனம் செலுத்துங்கள். உங்கள் வெளியீட்டு நேரத்தைத் தேர்வு செய்யவும் சமூக ஊடகத்தில் மார்க்கெட்டிங் நிலைத்தன்மை தேவை. உங்கள் இடுக்கைகள் எந்த நேரம் சிறப்பாக செயல்படுகிறது என்பது நீங்கள் தெரிந்துகொள்வது அவசியம். மேலும் அதனை எவ்வளவு கால இடைவேளைக்கு வெளியிட வேண்டும் என்பதையும் கணக்கிடுவது அவசியம்.

உங்களைப் பின்தொடர்பவர்கள் காலையில் அதிகம் பின்தொடர்கிறார்கள் என்பது உங்களுக்குத் தெரிந்தால், உங்கள் செய்திகளை அவர்கள் வெளியேறுவதற்கு முன்பு வெளியிட உறுதிப்படுத்திக் கொள்ளுங்கள். பகிர்வை ஊக்குவிக்கவும் உங்கள் இடுக்கைகளைப் பகிர பயனர்களை ஊக்குவிக்க சில வழிகள் உள்ளன. உங்கள் இடுக்கைகளைப் பகிர்வதற்கான சிறந்த வழி, பங்கேற்பாளர்கள் பரிசுகளை வெல்லக்கூடிய தேடல்கள் அல்லது வினாடி வினாக்களை அமைப்பது உங்களின் தொழில் வளர்ச்சிக்கு நல்ல அடித்தளமாக அமையும். பொதுவாகவே பரிசு கிடைக்கப்பெறும் போது அவர்கள் தங்களின் மகிழ்ச்சியினை நண்பர்களுடன் பகிர்ந்து கொள்வார்கள். இதனால் உங்களைப் பின்தொடர்பவர்களின் எண்ணிக்கை விரைவில் உயரும். அது சிறிய பரிசுகளாக இருந்தாலும், அதனை மற்றவர்களுடன் பகிரும் போது, அவர்களுக்கு மட்டும் அல்லாமல் மற்றவர்களுக்கும் ஒரு ஊக்கத்தை அளிக்கும்.

பயனர்கள் தங்கள் குரலின் மதிப்பை உணரட்டும் பயனர்கள் தங்கள் கருத்து வெளியிடும் போது அது ஒரு வித்தியாசத்தை உண்டாக்கும் என்று உணர வேண்டும். எடுத்துக்காட்டாக, நீங்கள் இன்று பிரபலமாக இருக்கும் இரண்டு நவீன தொழில்நுட்பங்களைக் காண்பிக்கும் ஒரு இடுக்கையை உருவாக்குகிறீர்கள் என்று வைத்துக் கொள்வோம். அதை உடனடியாக உங்களைப் பின்தொடர்பவர்களிடம் பகிருங்கள். நீங்கள் பகிர்ந்தவற்றை பார்த்தவர்கள் மற்றும் அது குறித்து கருத்து தெரிவித்தவர்கள் ஒற்றைப்படையாக இருப்பின் அந்த தொழில் வெற்றிப் பெறாது என்று நிர்ணயித்துக் கொள்ளலாம்.

அதுவே இரட்டிப்பான கருத்துக்கள் வெளிப்பட்டு இருந்தால் அந்த தொழிலினை தைரியமாக எடுத்து செய்யலாம். போக்குகள் மற்றும் தந்திரோபாயங்கள் வழக்கமான அடிப்படையில் மாறுகின்றன. பயனர்கள் புதுமைகளைத் தேடுகிறார்கள். தொழில்முனைவோருக்கான சூழல் இன்றைய காலக்கட்டத்தில் போட்டித்தன்மையாகத்தான் வளர்ந்து வருகிறது. இருப்பினும் ஒவ்வொரு தொழில்முனைவோரும் தங்களின் தொழில் சார்ந்த விஷயங்கள் எவ்வாறு செயல்படுகின்றன, வணிகங்கள் முன்னேறியுள்ளதா அல்லது பின்தங்கி இருக்கிறதா என்பதை புரிந்துகொள்வது முக்கியம். 

மேலும் செய்திகள்

Like Us on Facebook Dinkaran Daily News
  • 31-05-2020

    31-05-2020 இன்றைய சிறப்பு படங்கள்

  • 30-05-2020

    30-05-2020 இன்றைய சிறப்பு படங்கள்

  • 29-05-2020

    29-05-2020 இன்றைய சிறப்பு படங்கள்

  • 28-05-2020

    28-05-2020 இன்றைய சிறப்பு படங்கள்

  • 26-05-2020

    26-05-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்