SUN குழுமத்திலிருந்து வெளிவரும் காலை நாளிதழ்

ப்யூட்டி பாக்ஸ்

2018-10-10@ 12:39:37

நன்றி குங்குமம் தோழி

ஆரோக்கியம் சார்ந்த அழகே அனைவருக்கும் நல்லது

குழிகளை மறைக்க O3 + ஃபேஷியல்

சென்ற  இதழில், பரு வந்து நீங்கிய இடத்தில் குழி, பள்ளம் என்பது ஏன் வருகிறது, யாருக்கெல்லாம் வருகிறது என்பதையும், வருவதற்கு முன்பும், வந்துவிட்டால் எப்படி முகத்தை தற்காத்துக்கொள்வது என்பது பற்றியும் விரிவாய் பார்த்தோம். இந்த இதழில் பார்லரில் செய்யப்படும் ஃபேஷியல் மூலமாக, முகத்தில் ஏற்படும் குழிகள் எப்படி சரி செய்யப்படுகின்றன என்பதையும், வீட்டில் உள்ள பொருட்களைக் கொண்டு நாமாகவே எப்படி சரி செய்வது என்பதையும் காண்போம்.

முகத்தில் இருக்கும் குழிகளை நீக்க O3+  ஃபேஷியலே சிறந்தது. குழிகள் கம்மியாக இருந்தால் 3 முதல் 4 அமர்வு எடுக்க வேண்டும். அதிகமாக இருந்தால் தொடர்ச்சியாக எடுக்க வேண்டும். 3வது அமர்விற்குப் பிறகே முகத்தில் சற்று மாற்றம் ஏற்படத் துவங்கும். துளைகளின் அளவு சிறிது சிறிதாகவே மறையத் துவங்கும்.


பார்லரில் செய்யும் ஃபேஷியல்…


தேவையான பொருட்கள்

கிளன்சிங், ஸ்க்ரப், டிஷ்யூ பேப்பர் மாஸ்க், டோனர், மசாஜ் க்ரீம், ஃபீல் ஆஃப் மாஸ்க்.

1. சாதாரண நீரில் முகத்தை சுத்தப்படுத்த வேண்டும்.

2. ஜெல் கிளன்சிங் போட்டு 2 நிமிடம் முகத்தை நன்றாக சுத்தம் செய்ய வேண்டும்.

3. ஜெல் ஸ்க்ரப் தடவி மென்மையாக ஸ்க்ரப் செய்து, வொயிட்ஹெட்ஸ், ப்ளாக்ஹெட்ஸ் அதிகமாய் இருந்தால் லேசாக ஸ்டீம் கொடுத்து நீக்கலாம்.   முகத்தில் துளைகள் அதிகம் இருப்பின் ஸ்டீம் தவிர்க்க வேண்டும்.

4. டிஷ்யூ மாஸ்க் போட்டு, போர்ஸ் ரிமூவ் டோனரை ஸ்ப்ரே செய்து 3 நிமிட இடைவெளியில் மாஸ்க்கை நீக்கி சுத்தம் செய்ய வேண்டும்.

5. சீரம் அப்ளை செய்ய வேண்டும்.

6. தொடர்ந்து ஹை ப்ரீக்வன்சி மெஷினால் மின் அலை கொடுக்க வேண்டும்.

7. எலாஸ்டிசிட்டி தன்மைக்காக ஜெல் மசாஜ் க்ரீம் பயன்படுத்தி 20 நிமிடம் முகத்திற்கு மசாஜ் செய்யப்பட வேண்டும்.

8. போர்ஸ் க்ளோசிங் ஜெல்லை ஃபீல் ஆஃப் மாஸ்க் பவுடருடன் இணைக்க வேண்டும்.

9. முகத்தை ஃபீல் ஆஃப் மாஸ்க் தடவி மாஸ்க் செய்ய வேண்டும்.

10. 20 நிமிட இடைவெளி கொடுத்து உலர்ந்த நிலையில் மாஸ்க்கை நீக்க வேண்டும்.

11. ஸ்கின் மாய்ஸ்சரைசிங்குக்காக டே க்ரீம் தடவி, இறுதியாக சன் க்ரீம் அப்ளை செய்ய வேண்டும்.


மேற்குறிப்பிட்ட  ஃபேஷியலை செய்துகொள்ள சற்று கூடுதல் செலவு எடுக்கும். வீட்டில் உள்ள பொருட்கள் கொண்டு நாமாக எப்படி  ஃபேஷியல் செய்வது என்பதையும் காண்போம். தோலிற்குத் தேவையான எலாஸ்டிசிட்டி தன்மையினை பாதாம், தயிர், விளக்கெண்ணை, நல்லெண்ணெய் போன்ற வீட்டில் இருக்கும் பொருட்களை பயன்படுத்தி கொண்டு வரலாம் என்பதை முன்பே பார்த்திருக்கிறோம். தோலில் எண்ணெய்த் தன்மை இருந்தாலே தோல் மிருதுவாகி, எலாஸ்டிசிட்டி தன்மை இயல்பாக வந்துவிடும்.

வீட்டிலே செய்யும் ஃபேஷியல்…

1. சாதாரண நீரால் முகத்தை சுத்தம் செய்யவும்..

2. அரை ஸ்பூன் லெமனோடு 2 ஸ்பூன் நீரை சேர்த்து, முகத்தை க்ளன்ஸ் செய்யவும்.

3. ஊறவைத்த கசகசாவை தடவி மெல்லிய மசாஜ் கொடுக்கவும்.

4. மிதமான குளிர்ந்த நீர் அல்லது அரிசி களைந்த நீரைப் பயன்படுத்தி சுத்தப்படுத்தவும்.

5. பப்பாளி பழத்துடன், மஞ்சள் பூசணியை மசித்து, முகத்தில் தடவி மசாஜ் கொடுக்கலாம்.

6. ஒரு ஸ்பூன் அரிசி மாவுடன், அரை ஸ்பூன் பாதாம் பவுடர் சேர்த்து பேக் போடலாம். சற்று உலர்ந்த நிலையில் மாஸ்க்கை நீக்கி சுத்தம் செய்யவும்.

- மகேஸ்வரி

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • mexicovalcano

    மெக்ஸிகோவில் எரிமலை வெடித்ததில் 8 ஆயிரம் அடி உயரத்திற்கு புகை மண்டலம் : பொதுமக்கள் வெளியேற்றம்

  • modipuja

    உத்தர பிரதேசத்தில் கும்பமேளா நடக்கவுள்ள நதிகரையில் பிரதமர் மோடி பூஜை செய்து வழிபாடு

  • animalsmuggling

    இந்தோனேசியா துறைமுகத்தில் சட்டவிரோதமாக கடத்த முயன்ற பல்வேறு உயிரினங்கள் மீட்பு

  • swimminggeneva

    ஜெனீவாவில் கிறித்துமஸ் தினத்தை முன்னிட்டு நீச்சல் போட்டி : நூற்றுக்கணக்கானோர் பங்கேற்பு

  • Cairoegyptopen

    மம்மிகளின் உலகமான எகிப்தில் 4400 ஆண்டு பழமை வாய்ந்த பிரமீடு கெய்ரோவில் திறக்கப்பட்டது

படங்கள் வீடியோ கல்வி சினிமா ஜோ‌திட‌ம்