SUN குழுமத்திலிருந்து வெளிவரும் காலை நாளிதழ்

Urban Tree

விரல்களின் ஆரோக்கிய ரகசியங்கள்

2018-08-30@ 16:14:19

நன்றி குங்குமம் தோழி

கட்டை விரல்


உங்கள் கட்டை விரலுக்கு அழுத்தம் கொடுத்து பயிற்சி செய்வதால், மன அழுத்தம் குறைய, மனநிலையை கட்டுப்படுத்த முடியும். நல்ல  உறக்கம் பெறலாம். மேலும் இது உடற் சக்தியை மேம்படுத்தவும் உதவுகிறது. கட்டை விரல் மண்ணீரல் மற்றும் வயிறு பகுதியுடன்  இணைப்புள்ளது ஆகும். இது வெள்ளை மற்றும் சிவப்பு ரத்த  செல்களை ஊக்குவித்து செரிமானத்தை சீராக்குகிறது.

ஆள்காட்டி விரல்

உங்கள் பலவீனம் மற்றும் பயத்தைக் குறைக்கக் கூடியது ஆள்காட்டி விரல். மேலும் ஆள்காட்டி விரலுக்கு அழுத்தம் கொடுத்து பயிற்சி  செய்வது உங்களிடம் இருக்கும் பதட்டத்தை நீக்கி தைரியத்தை அதிகரிக்கச் செய்யும். உங்கள் ஆள்காட்டி விரல் சிறுநீரகம் மற்றும்  சிறுநீர்ப்பையுடன் இணைப்புக் கொண்டுள்ளது. சிறுநீரகத்தில் கற்கள் உண்டாகாமல் இருக்கவும், நீர் வறட்சி ஏற்படாமல் இருக்கவும்  பயனளிக்கிறது.

நடுவிரல்

நடுவிரலுக்கு அழுத்தம் கொடுத்து பயிற்சி செய்வது உங்கள் கோபத்தை குறைக்க உதவும். தலை பகுதியில் ரத்த ஓட்டத்தை சீராக்கி  தலைவலி ஏற்படாமல் இருக்கவும் இது உதவுகிறது. நடுவிரல் கல்லீரல் மற்றும் பித்தப்பையுடன் இணைப்புடையது. இது இந்த பாகங்களின்  வலிமையை மேம்படுத் துகிறது மற்றும் உடற் சக்தியை ஊக்குவிக்கிறது.

மோதிர விரல்

ஏறத்தாழ கட்டை விரலுடன் ஒத்துப் போவதுதான் இந்த மோதிர விரலும். மோதிர விரலுக்கு அழுத்தம் கொடுத்து பயிற்சி செய்யலாம்.  மேலும் மோதிர விரல் நுரையீரலுடன் இணைப்பு கொண்டுள்ளது. இது சுவாசக் கோளாறுகளை போக்கவல்லது. மேலும் நரம்பு மண்டலம்,  தசைகளுக்கு வலிமை அளிக்கிறது. இதனால் உங்கள் உடற்சக்தி மேம்படும்.

சுண்டுவிரல்

சுண்டுவிரலுக்கு அழுத்தம் கொடுத்து பயிற்சி செய்வது இதயம் மற்றும் ரத்த ஓட்டத்திற்கு நல்லது. இது ரத்த ஓட்டத்தை சீராக்கி இதர  உடல் பாகங்களின் செயல் திறனை ஊக்குவிக்கிறது. மேலும் இது மூளையின் செயல்திறனையும் மேம்படுத்துகிறது. இதனால் உங்கள்  எண்ணம், சிந்தனை, கவனம்  போன்றவையும் மேம்படும்.

உள்ளங்கை

மன அழுத்தம்தான் அனைவருக்கும் ஏற்படும் கொடிய நோய். இது ஒட்டுமொத்தமாக மனதையும், உடலையும் பாதிக்கக்கூடியது.  உள்ளங்கையில் அழுத்தம் கொடுத்து பயிற்சி செய்வது நேர்மறை எண்ணங்கள் அதிகரிக்க உதவுகிறது. மேலும் இது உடல் மற்றும் மனதில்  ஏற்படும் சோர்வில் இருந்து விரைவாக விடுபட்டு வெளிவரவும் பயனளிக்கிறது.

- கவிதா சரவணன், திருச்சி

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 23-09-2018

    23-09-2018 இன்றைய சிறப்பு படங்கள்

  • 22-09-2018

    22-09-2018 இன்றைய சிறப்பு படங்கள்

  • muharamfest

    நாடு முழுவதும் இஸ்லாமியர்களின் மொஹரம் பண்டிகை இன்று கொண்டாடப்பட்டது

  • nasaevanaktrump

    அமெரிக்காவில் உள்ள நாசாவின் ஜான்சன் விண்வெளி ஆய்வு மையத்தை பார்வையிட்ட இவாங்கா டிரம்ப்

  • florence&trumph

    பிளோரென்ஸ் புயலால் பாதிக்கப்பட்டவர்களை நேரில் சந்தித்து ஆறுதல் கூறிய அமெரிக்க அதிபர் டிரம்ப்

படங்கள் வீடியோ கல்வி சினிமா ஜோ‌திட‌ம்