SUN குழுமத்திலிருந்து வெளிவரும் காலை நாளிதழ்

கிச்சன் டிப்ஸ்...

2017-11-20@ 15:44:11

நன்றி குங்குமம் தோழி

* மைசூர் பாகு  செய்ய கடலைமாவுதான் தேவை என்றில்லை... சேமியாவிலும் செய்யலாம். சேமியாவை நெய்யில் மிதமான சூட்டில் வறுத்து மிக்சியில் நைசாக பொடித்து, மைசூர் பாகு போல், அதே பதத்தில் செய்தால் அற்புதமான சேமியா கேக் தயார்.
* கார்த்திகை தீபத்தின் போது பொரி, நெல் பொரி, அவல்இவற்றை உருண்டை பிடிக்கும் போது, வெல்லம் நல்ல கெட்டி பாகு வந் ததும், சில சொட்டு எலுமிச்சைச்சாறு விட்டு கலந்து கிளறி உருண்டை பிடித்தால் அலர்ந்து போகாமல் கடைசி வரை உருண்டை பிடிக்க வரும்.
- எஸ்.வத்சலா, சிட்லபாக்கம்.

* சர்க்கரைவள்ளிக்கிழங்கு நாள்பட்டதாக இருந்தால், கரும்புள்ளிகள் இருந்தால் அதைப் பயன்படுத்தக் கூடாது. கசப்பு தன்மை உடையதாக இருக்கும். இதன் தோலில் தான் அனைத்து சத்துக்களும் உள்ளது. ஆதலால் சமைக்கும் முன் நன்கு கழுவி தோலுடன் சமைப்பதுதான் நல்லது.

* கடலைப்பருப்பை ஊறவைத்து உதிர்த்து அதை வழக்கமாகச் செய்யும் பாகற்காய் பொரியலில் சேர்த்துக் கிளறினால் பாகற்காயின் கசப்பு குறையும்.
* வடை, சிப்ஸ் போன்றவற்றை எண்ணெயில் பொரித்து எடுக்கும் போது  நான்கைந்து  துளிகள் எலுமிச்சம் பழச்சாறை சேர்த்தால் எண்ணெய் குறைந்த அளவே செலவாகும்.

* உருளைக்கிழங்கு வேகவைத்து மசித்து சிறிதளவு காரத்தூள், உப்பு சேர்த்து வடை போலத் தட்டி, இட்லி மாவின் நடுவில் வைத்து வேகவைத்து எடுத்தால் ‘வடா பாவ்’ போல் இருக்கும்.

* வீட்டில் தயாரிக்கப்பட்ட ‘ஜாம்’ வகைகள்  வெகு நாட்கள் கெடாமலிருக்க, அத்துடன் ஒரு டீஸ்பூன் இஞ்சிச்சாறு ஊற்றிக் கலந்து வைக்கவும்.
* மாவடு  ஊறிய தண்ணீரில் சுண்டைக்காய் வற்றலைப் போட்டு ஊறியதும் காயவைத்து எடுத்து வைத்தால் புதிய சுவையுடன் வத்தல் தயார்.
* சமைத்த சாதம் வெகுநேரம் சூடு ஆறாமல் இருக்க வேண்டுமென்றால், சாதத்தை ஒரு பாத்திரத்தில் வைத்து அந்தப் பாத்திரத்தை வெந்நீருக்குள் வைத்திருக்க வேண்டும். எப்பொழுது எடுத்தாலும் சூடு குறையாமல் இருக்கும்.

* தோசை ஊற்றும் போது சுண்டுவதாய் தெரிந்தால் கல்லில் சிறிதளவு எண்ணெய் ஊற்றி ஒரு சிட்டிகை உப்பையும் போட்டு கல்லை தேய்த்து விட்டு பிறகு ஊற்றினால் தோசை சரியாக வரும்.

* பாதாம் கீர் செய்யும் போது வேகவைத்த சில பரங்கிக்காய்களை அரைத்து சேர்க்க இயற்கையான மஞ்சள் நிறத்தோடு இருப்பதோடு ருசியாகவும் இருக்கும்.

* உளுந்தில்லாமல் தோசை செய்ய ஊறவைத்த அரிசியுடன் அரை கப் வெள்ளைப்பூசணித் துண்டுகளை சேர்த்து அரைத்து, சற்று புளித்தவுடன் ஊற்ற சுவையாக இருக்கும்.

* மெதுவடை செய்யும்போது ஒரு கப் அவலை 10 நிமிடம் ஊறவைத்து, உளுந்து மாவை அரைத்து எடுக்கும் முன் சேர்த்து அரைத்து செய்ய, வடை வெளியே மொறுமொறுப்பாக உள்ளே சாஃப்ட்டாக சுவையாக இருக்கும்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • sabarimala11

    சபரிமலை ஐயப்பன் கோவிலில் அலைமோதும் பக்தர்கள் கூட்டம்

  • pothumakkal_siramam1

    வட மாநிலங்களில் கடும் பனிப்பொழிவு : பொதுமக்கள் கடும் சிரமம்

  • dubai_hospitalll11

    துபாயில் ஒட்டகத்திற்கு மட்டும் சிகிச்சை அளிக்கும் வினோத மருத்துவமனை

  • Astronauts

    சர்வதேச விண்வெளி மையத்தில் இருந்து பூமி திரும்பிய விண்வெளி வீரர்கள்

  • 15-12-2017

    15-12-2017 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்