SUN குழுமத்திலிருந்து வெளிவரும் காலை நாளிதழ்

ஊசிமுனை ஓவியஙகள்

2017-10-24@ 14:49:52

நன்றி குங்குமம் தோழி

கோல்டன் பிளவுஸ் வேலைப்பாடு

எளிமையாக எடுக்கப்பட்ட ஒரு சில்க் சேலையின் ஜாக்கெட்டின் கழுத்து மற்றும் கைப் பகுதிகளை கோல்டன் கலர் வண்ண ஷரி நூல் மற்றும் கோல்டன் கலர் ஸ்டோன்களைக் கொண்டு தங்க வண்ணத்திலே ‘கோல்டன் ஜாக்கெட்டாக’ ஜொலிக்க வைத்து பார்ப்பவர்களை பரவசப்படுத்த முடியும் என்பதை தோழி வாசகர்களுக்கு கற்றுத் தருகிறார் மோகன் ஃபேஷன் டிசைனிங் நிறுவன இயக்குநர் செல்வி மோகன் தலைமையில் நிறுவனத்தின் பயிற்றுனர் காயத்ரி.

தேவையான பொருட்கள்

கோல்டன் திலக் ஸ்டோன், கோல்டன் பீட்ஸ், கோல்டன் ரவுண்ட் ஸ்டோன், கோல்டன் ஷரி திரட், ப்ரவுன் கலர் சில்க் திரட், மெஷின் நூல், ஆரி ஊசி, சின்ன ஊசி, பேப்ரிக் கம், சிசர், வரைவதற்கு மார்க்கர், எம்ப்ராய்டிங் போட உட் ஃபிரேமுடன் ஸ்டாண்ட் மற்றும் டிசைன் செய்யத் தேவைப்படும் ஜாக்கெட் துணி.

செய்முறை...

* ஜாக்கெட் துணியினை உட்ஃபிரேமில் இழுத்து இணைத்து தேவையான கழுத்து வடிவத்தை வரையவும்.

* வரைந்துள்ள கோட்டில் கோல்டன் ஷரி நூலால் ஆரி நீடில் கொண்டு சங்கிலித் தையலை நெருக்கமாக இரண்டு வரிசை அருகருகே போடவும்.

* ப்ரவுன் கலர் சில்க் திரட்டால் அதன் அருகிலேயே படத்தில் காட்டியதுபோல் இரண்டு வரிசைக்கு சங்கிலித்
தையலிட்டு மீண்டும் அதன் அருகில் கோல்டன் ஷரி நூல் கொண்டு இரண்டு வரிசைக்கு தையல் போடவும்.

* கோல்டன் திலக் ஸ்டோனை பேப்ரிக் கம் கொண்டு இடைவெளிவிட்டு ஒட்டி அதைச் சுற்றி படத்தில்
காட்டியுள்ளதுபோல் டைமண்ட் வடிவில் கோல்டன் ஷரியால் தையலிடவும். நடுவில் சிறிய சைஸ் கோல்டன் பீட்ஸை இணைக்கவும்.

* கோல்டன் பீட்ஸை டைமண்ட் வடிவின் அருகில் ஆரி நீடிலால் மூன்று மூன்றாகக் கோர்த்து மூன்று வரிசை அருகருகே நீளவாக்கில் வடிவமைக்கவும்.

* மீண்டும் அதன் அருகில் முன்புபோல் திலக் ஸ்டோனை ஒட்டி, டைமண்ட் தையலிட்டு, இறுதியில் ஷரி நூலால் ஷிக் ஷாக் வடிவ தையலில் இடையில் கோல்டன் பீட்ஸை படத்தில் காட்டியுள்ளதுபோல் இணைக்கவும்.

* கழுத்து வடிவின் அருகே ஆங்காங்கே இடைவெளிவிட்டு கோல்டன் ரவுண்ட் ஸ்டோனை ஒட்டி சுற்றி ப்ரவுன் சில்க் திரட்டால் தையலிடவும்.

* தேவைப்படும் டிசைனை கை பகுதியிலும் வரையவும்.

* மீண்டும் கழுத்தில் போட்ட அதே டிசைனை கைப் பகுதியிலும் வரையப்பட்ட கோட்டின் மேல் போட்டு கைப்பகுதியினையும் கழுத்தைப்போல் கூடுதல் அழகூட்டவும்.

* அழகாக வடிவமைக்கப்பட்ட கழுத்து மற்றும் கை பாகம் உங்கள் பார்வைக்கு இங்கே.  வடிவமைக்கப்பட்ட நேர்த்தி, வேலைப்பாட்டிற்கு எடுக்கும் நேரம் இவற்றைப் பொறுத்து ரூ. 2500 முதல் விலை நிர்ணயம் செய்யலாம்.

எழுத்து வடிவம்: மகேஸ்வரி
படங்கள்: ஆர்.கோபால்

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 17-11-2018

    17-11-2018 இன்றைய சிறப்பு படங்கள்

  • 3rdthiruvanamalai

    திருவண்ணாமலை தீபத்திருவிழாவின் 3ம் நாள் உற்சவம்: பூத வாகனத்தில் சந்திரசேகரர் பவனி

  • pudukottaikaja

    கஜா புயல் எதிரொலி : புதுக்கோட்டையில் பலத்த காற்று மற்றும் கனமழையால் பாதிக்கப்பட்ட பகுதிகளின் புகைப்படங்கள்

  • NagaiGajaStorm

    நாகை மாவட்டத்தை கதிகலங்கவைத்த கஜா புயலின் ருத்ரதாண்டவம்: உருக்குலைந்து கிடக்கும் நகரம்!

  • kajarainhome

    புரட்டி போட்ட கஜா புயல் : மரங்கள், வீடுகள், மின் கம்பங்கள் சேதம்

படங்கள் வீடியோ கல்வி சினிமா ஜோ‌திட‌ம்