பிரதமரின் தேசிய பாலர் விருதுகளை வழங்கினார் குடியரசுத் தலைவர் ராம்நாத் கோவிந்த்

விளையாட்டு, கலை, கலாச்சாரம், சமூகசேவை, புதுமை, துணிச்சல் உள்ளிட்ட பல்வேறு பிரிவுகளில் பங்களிப்பு செய்த 26 சிறுவர்களுக்கு தேசிய பாலர் விருதுகளை குடியரசுத் தலைவர் ராம்நாத் கோவிந்த் வழங்கினார். ஒரு லட்சம் ரூபாய் ரொக்கம், 10 ஆயிரம் ரூபாய் புத்தகங்களுக்கான கூப்பன்களை உள்ளடக்கிய விருது வழங்கப்பட்டது. குடியரசுத் தலைவர் மாளிகையில் நடைபெற்ற இந்த நிகழ்ச்சியில், குழந்தைகள் நலனுக்காக பணிபுரிவோருக்கான பாலர் கல்யாண் விருதுகளை 2 தனிநபர்களுக்கும், மூன்று நிறுவனங்களுக்கும் குடியரசுத் தலைவர் வழங்கி கவுரவித்தார். ஒரு லட்சம் ரூபாய் ரொக்கம், பதக்கம் மற்றும் சான்றிதழுடன் விருது வழங்கப்பட்டது.