SUN குழுமத்திலிருந்து வெளிவரும் காலை நாளிதழ்

ஜெயலலிதா 2ஆம் ஆண்டு நினைவுதினம்: ஜெயலலிதா நினைவிடம் நோக்கி அமைதிப் பேரணி

923
05/12/2018

தமிழகத்தின் முதல் பெண் எதிர்கட்சித்தலைவர்; நாடாளுமன்ற உறுப்பினர்; 5 முறை தமிழக முதல்வர் என அரசியல் உலகில் ஆதிக்கம் செலுத்திவந்தவர் ஜெயலலிதா. திரையுலகில் தன் வாழ்க்கைப்பயணத்தைத் தொடங்கியவர், மொத்தம் 115 படங்களில் நடித்துள்ளார். எம்.ஜி.ஆருடன் மட்டும் 28 படங்களில் நடித்துள்ளார். திரையுலகில் கொடிக்கடிப்பறந்த ஜெயலலிதாவை கைப்பிடித்து அரசியலுக்கு கொண்டுவந்து, கட்சியின் கொள்கை பரப்புச் செயலாளராக நியமித்து அழகுபார்த்தவர் எம்.ஜி.ஆர். அவர் மறைவுக்குப் பிறகு, 1991-ம் ஆண்டு முதன்முறையாக தமிழக முதல்வராகப் பதவி ஏற்றார். 5முறை தமிழக முதல்வராக இருந்த அவர், கடந்த 2016-ம் ஆண்டு டிசம்பர் 5-ம் தேதி, உயிரிழந்தார். இந்நிலையில், அவரது இரண்டாம் ஆண்டு நினைவுதினம் இன்று அனுசரிக்கப்படுகிறது. இதையடுத்து அண்ணா சாலையில் உள்ள அண்ணா சிலை அருகே இருந்து அ.தி.மு.க. சார்பில் பிரமாண்ட பேரணி தொடங்கியது. முதலமைச்சர் எடப்பாடி பழனிசாமி, துணை முதலமைச்சர் பன்னீர்செல்வம், அமைச்சர்கள், அ.தி.மு.க மூத்த மற்றும் முக்கிய நிர்வாகிகள் உள்ளிட்டோர் கருப்பு சட்டை அணிந்து பேரணியில் பங்கேற்றனர். வாலாஜாசாலை, சேப்பாக்கம் வழியாக ஜெயலலிதா நினைவிடம் நோக்கி பேரணி சென்றது. அங்கு பல வண்ண மலர்களால் அலங்கரித்து வைக்கப்பட்டிருந்த ஜெயலலிதா நினைவிடத்தில் முதலமைச்சர், துணை முதலமைச்சர், அமைச்சர்கள் உள்ளிட்டோர் மலர்தூவி அஞ்சலி செலுத்தினர்.

Like Us on Facebook Dinkaran Daily News
  • intelexopchina17

    சீனாவில் நடைபெற்ற சர்வதேச ஆட்டோமொபைல் எக்ஸ்போ: Audi உள்ளிட்ட நிறுவனங்களின் புதிய கார்கள் அறிமுகம்

  • 17-07-2019

    17-07-2019 இன்றைய சிறப்பு படங்கள்

  • DongriBuildingCollapse

    மும்பையில் 100 ஆண்டு பழமையான கட்டிடம் இடிந்து பெரும் விபத்து: 12 பேர் உயிரிழப்பு..மீட்பு பணிகள் தீவிரம்!

  • KyrgyzstanSlapping

    ஒருவரை ஒருவர் கன்னத்தில் பளார் பளாரென அறையும் வித்தியாசமான போட்டி: கிர்கிஸ்தானில் நடைபெற்றது!

  • ChangchunZoologicalPark

    உயிரியல் பூங்காவில் உள்ள மரங்களில் விலங்குகளை தத்ரூபமாக வரையும் கலைஞர்: ஆச்சரியமூட்டும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்