SUN குழுமத்திலிருந்து வெளிவரும் காலை நாளிதழ்

சென்னப்பன்கொட்டாயில் குடிநீர் தட்டுப்பாட்டால் மக்கள் அவதி

7/24/2019 2:13:37 AM

பாலக்கோடு, ஜூலை 24: பாலக்கோடு அருகே சென்னப்பன்கொட்டாயில்  கடும் குடிநீர் தட்டுப்பாடு ஏற்பட்டுள்ளதால், மக்கள் கடும் சிரமத்திற்குள்ளாகி வருகின்றனர்.தர்மபுரி மாவட்டம் பாலக்கோடு அருகே நெல்லூர் ஊராட்சியில் சென்னப்பன் கொட்டாய் கிராமம் உள்ளது. இந்த கிராமத்தில் 200க்கும் மேற்பட்ட குடும்பத்தினர் வசித்து வருகின்றனர். இப்பகுதி மக்களுக்கு ஒகேனக்கல் கூட்டு குடிநீர் குழாய் மூலம் தண்ணீர் வினியோகம் செய்யப்பட்டு வருகிறது. இதேபோல் இப்பகுதியில் போர்வெல் மூலம் குடிநீர் தொட்டியும் அமைக்கப்பட்டுள்ளது. இந்நிலையில் 15நாட்களுக்கு ஒருமுறை தான் இப்பகுதி மக்களுக்கு, ஒகேனக்கல் குடிநீர் வினியோகம் செய்யப்படுகிறது. மேலும் இப்பகுதியில் அமைக்கப்பட்டுள்ள குடிநீர் தொட்டியிலும் ஏற்பட்டுள்ள பழுது காரணமாக, தண்ணீர் வினியோகம் செய்யப்படுவதிவில்லை. இதனால் இப்பகுதியில் கடும் குடிநீர் தட்டுப்பாடு ஏற்பட்டுள்ளது. இதுகுறித்து பலமுறை புகார் அளித்தும் அதிகாரிகள் எவ்வித நடவடிக்கையும் எடுக்கவில்லை.
இதுகுறித்து அப்பகுதி மக்கள் கூறுகையில், 15நாட்களுக்கு ஒரு முறை, இப்பகுதியில் குடிநீர் வினியோகம் செய்யப்படுகிறது. இதனால் ஒரு வீட்டுக்கு 3குடங்கள் தண்ணீர் மட்டுமே கிடைக்கிறது. இதுகுறித்து பல முறை அதிகாரிகளிடம் புகார் கூறியும் எவ்வித நடவடிக்கையும் எடுக்கவில்லை. விரைந்து நடவடிக்கை எடுக்காவிட்டால், சாலை மறியல் போராட்டத்தில் ஈடுபடுவோம் என்றனர்.

மேலும் செய்திகள்

Like Us on Facebook Dinkaran Daily News
  • 25-01-2020

    25-01-2020 இன்றைய சிறப்பு படங்கள்

  • gggg20

    ஸ்பெயின் நாட்டை தாக்கிய குளோரியா புயல்: 144 கி.மீ வேகத்தில் காற்று வீச்சு; 44 அடி உயரத்திற்கு கடல் அலைகள் எழும்பியன

  • QuarantineWuhan24

    சீனாவை ஆட்டிப்படைக்கும் கொரோனா வைரஸ் தொற்றால் மொத்தமாக மூடப்பட்டுள்ள வூஹான் நகரம்..: பொதுமக்கள் பரிதவிப்பு!

  • rp23

    நாடு முழுவதும் முழுவீச்சில் நடைபெற்று வரும் குடியரசு தினவிழா ஒத்திகை நிகழ்ச்சியின் கண்கவர் படங்கள்

  • thai_ammamam

    தை அமாவாசை : ராமேஸ்வரம், காவிரி உள்ளிட்ட நீர்நிலைகளில் புனித நீராடி, முன்னோர்களுக்கு தர்ப்பணம் கொடுத்து மக்கள் வழிபாடு

படங்கள் வீடியோ கல்வி சினிமா ஜோ‌திட‌ம்