SUN குழுமத்திலிருந்து வெளிவரும் காலை நாளிதழ்

கொப்பரை கொள்முதல் செய்ய நடவடிக்கை

7/24/2019 2:12:28 AM

தர்மபுரி, ஜூலை 24: தர்மபுரி மாவட்டத்தில் அரூர் வேளாண் கூட்டுறவு சங்கத்தில், கொப்பரையை கொள்முதல் செய்ய நடவடிக்கை எடுக்கப்பட்டுள்ளது என கலெக்டர் தெரிவித்துள்ளார்.இதுகுறித்து தர்மபுரி மாவட்ட கலெக்டர் மலர்விழி வெளியிட்டுள்ள அறிக்கை: தர்மபுரி மாவட்டத்தில் 7,486 ஹெக்டேரில் தென்னை சாகுபடி நடைபெறுகிறது. இதில் 786 லட்சம் தேங்காய் உற்பத்தி செய்து வருகின்றனர். உற்பத்தி அதிகரித்து தேங்காய் விலை குறையும் போது, விவசாயிகள் பாதிக்கப்படுகின்றனர். எனவே தேங்காய் விலை ஏற்ற இறக்கத்தில் இருந்து விவசாயிகளை பாதுகாக்க, கொப்பரைக்கு நல்ல விலை கிடைக்கும் வகையில், மாவட்டத்தில் பந்து கொப்பரை 50 மெட்ரிக் டன், அரவை கொப்பரை 450 மெட்ரிக் டன் குறைந்தபட்ச ஆதார விலையில் கொள்முதல் செய்யப்பட்டு வருகிறது. தர்மபுரி மாவட்டத்தில் அரூர் வேளாண்மை கூட்டுறவு விற்பனை சங்கத்தில், கொப்பரை கொள்முதல் செய்யப்படும். மத்திய அரசால் 2019ம் ஆண்டில் அறிவிக்கப்பட்ட குறைந்தபட்ச ஆதார விலையான, பந்து கொப்பரை கிலோ ₹99.20 மற்றும் அரவை கொப்பரை கிலோ ₹95.21 விலையில், இம்மாதம் கடந்த 7ம் தேதி முதல் கொள்முதல் செய்யப்பட்டு வருகிறது. வரும் 2020 ஜனவரி 6ம் தேதி வரை நடைபெறும். எனவே, தென்னை விவசாயிகள், கூட்டுறவு சங்கத்தை அணுகி, தங்களது பெயர்களை பதிவு செய்து பயனடைய வேண்டும். இவ்வாறு அறிக்கையில் தெரிவித்துள்ளார்.

மேலும் செய்திகள்

Like Us on Facebook Dinkaran Daily News
  • SouravGangulyBCCI

    பிசிசிஐ அமைப்பின் 39வது தலைவராக முன்னாள் கேப்டன் சவுரவ் கங்குலி பதவியேற்பு..: புகைப்படங்கள்

  • SkyCityFireAuckland

    நியூசிலாந்தில் புதிதாக கட்டப்பட்டு வந்த மாநாடு மையத்தில் 2வது நாளாக பற்றி எரியும் தீ..: அப்பகுதி முழுவதும் கரும்புகை மூட்டம்!

  • NorthKarnatakaRain23

    கர்நாடகாவில் மீண்டும் கொட்டித் தீர்க்கும் கனமழை..: 100க்கும் மேற்பட்ட கிராமங்கள் வெள்ளத்தில் மூழ்கின

  • DiwaliPrep2k19

    நெருங்கி வரும் தீபாவளி...: விளக்குகள் தயாரிக்கும் பணிகள் தீவிரம்...பட்டாசு, பரிசுப் பொருட்கள் விற்பனை படுஜோர்!

  • DanishLightHouse

    கடலரிப்பினால் நகர்த்தி வைக்கப்படும் 120 ஆண்டுகள் பழமையான கலங்கரை விளக்கம்...: டென்மார்க்கில் ஆச்சரியம்!

படங்கள் வீடியோ கல்வி சினிமா ஜோ‌திட‌ம்