SUN குழுமத்திலிருந்து வெளிவரும் காலை நாளிதழ்

குடியுரிமை திருத்த சட்டத்திற்கு எதிரான போராட்டம் ஒத்திவைப்பு

3/20/2020 2:29:07 AM

கம்பம் மார்ச் 20: கம்பத்தில் குடியுரிமை திருத்த சட்டத்திற்கு எதிரான போராட்டம் தற்காலிகமாக ஒத்திவைத்திருப்பதாக தெரிவித்துள்ளனர்.
மத்திய அரசின் குடியுரிமை திருத்த சட்டத்திற்கு எதிராக கம்பத்தில் உள்ள சாஹீன் பாக் திடலில், கடந்த மாதம் 29ம் தேதி இஸ்லாமிய பெண்கள் தொடர் போராட்டம் தொடங்கினர். இந்நிலையில், கொரோனா பரவலை இந்திய அரசு பேரிடராக அறிவித்துள்ளது. இதனால், தேச நலன் கருதி மார்ச் 31ம் தேதி வரை போராட்டத்தை தற்காலிகமாக ஒத்தி வைப்பதாக பெண்கள் தெரிவித்துள்ளனர்.

இது குறித்து அவர்கள் கூறுகையில், ‘இந்திய அரசியலமைப்புச் சட்டத்திற்கு புறம்பாக மத்திய அரசு குடியுரிமை திருத்த சட்டத்தை அமல்படுத்த துடிக்கிறது. இதை எதிர்த்து பல்வேறு போராட்டங்கள் இந்தியா முழுவதும் நடைபெற்று வருகிறது. கம்பத்தில் 21 நாட்களாக 450 மணி நேரம் தொடர் போராட்டங்கள் நடந்து வந்தன. எனவே, தேசத்தின் நலன் கருதி, கொரோன வைரஸ் தாக்குதல் எதிரொலியாக அரசு வேண்டுகோளை ஏற்று மார்ச் 31ம் தேதி வரை எங்களது போராட்டங்களை தற்காலிகமாக ஒத்தி வைக்கிறோம்.

ஏப்.1ம் தேதி முதல் என்.பி.ஆர் கணக்கெடுப்பை துவங்கினால் மீண்டும் போராட்டக்களத்தில் இறங்குவோம். இடைப்பட்ட 13 நாட்களில் வெவ்வேறு வகையான போராட்டங்களில் ஈடுபடுவோம். மத்திய அரசு இந்த கருப்பு சட்டத்தை திரும்பப் பெற வேண்டும்’ என்றனர்.

மேலும் செய்திகள்

Like Us on Facebook Dinkaran Daily News
  • 03-07-2020

    03-07-2020 இன்றைய சிறப்பு படங்கள்

  • petroLLL

    பெட்ரோல், டீசல் விலை உயர்வைக் கண்டித்து நாடு முழுவதும் காங்கிரஸ் போராட்டம்!!

  • pakisthN_11

    கராச்சி பங்குச்சந்தை அலுவலகத்தில் பயங்கரவாதிகள் தாக்குதல் : 6 பேர் பலி ; 4 தீவிரவாதிகள் சுட்டுக் கொலை!!!

  • mask_glovbeess1

    கடலுக்கு அடியில் குவியும் மாஸ்க், கையுறைகள் : கடல்வாழ் உயிரினங்களுக்கு கெடுதல் விளைவிக்கும் அபாயம்!!

  • 26-06-2020

    26-06-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்