SUN குழுமத்திலிருந்து வெளிவரும் காலை நாளிதழ்

மதிகோண்பாளையம் அருகே சனத்குமார் நதியை தூர்வார கோரிக்கை

2/27/2020 8:43:26 AM

தர்மபுரி, பிப்.27: மதிகோண்பாளையம் அருகே சனத்குமார் நதியை தூர்வார வேண்டும் என கோரிக்கை விடுத்துள்ளனர்.தர்மபுரி அடுத்த வத்தல்மலை நீர்பிடிப்பு பகுதியில் இருந்து சனத்குமார் நதி உருவாகிறது. வத்தல் மலையில் உருவாகும் மழைநீர் அதியமான்கோட்டை, அன்னசாகரம், மதிகோண்பாளையம் ஏரிக்கு வருகிறது. இந்த ஏரிகள் நிரம்பிய பின்னர், கம்பைநல்லூர் சென்று, அங்கிருந்து தென்பெண்ணை ஆற்றில் கலக்கிறது. கடந்த 15 ஆண்டுகளாக போதிய மழை இல்லாததால், சனத்குமார் நதி வறண்டு காணப்படுகிறது. தற்போது இந்த நதியில் தர்மபுரி நகராட்சி பகுதிகளான அன்னசாகரம், அக்ரஹாரம் பகுதிகளின் கழிவுநீர் ஓடுகிறது.

தர்மபுரி, அன்னசாகரம், மதிகோண்பாளையம் பகுதிகளில் சனத்குமார் நதியில் பல இடங்களில் ஆக்கிரமிப்பு செய்யப்பட்டு, குறுகிய நிலையில் உள்ளது. இதனால், சாக்கடை கழிவுநீர் ஆங்காங்கே தேங்கி நிற்கிறது. ஆக்கிரமிப்பால் கால்வாய் முழுவதும் முட்புதர் மண்டி கிடக்கிறது. ஏற்கனவே, பொதுப்பணித்துறை அதிகாரிகள், கடந்த 3 ஆண்டுக்கு முன்பு சர்வே செய்தனர். ஆனால், எந்த நடவடிக்கையும் எடுக்கவில்லை. பொதுமக்கள் கூறுகையில், ‘சனத்குமார் நதியில் ஆக்கிரமிப்பை அகற்றி, வரும் கோடை மழைக்குள் நதியை தூர்வார வேண்டும்,’ என்றனர்.

மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்