SUN குழுமத்திலிருந்து வெளிவரும் காலை நாளிதழ்

கிணற்றில் மூதாட்டி மர்ம சாவு

2/21/2020 3:38:28 AM

திண்டிவனம், பிப். 21: திண்டிவனம் அருகே விவசாய கிணற்றில் மூதாட்டி மர்மமான முறையில் இறந்து கிடந்தார். இதுதொடர்பாக போலீசார் விசாரணை நடத்தி வருகின்றனர். விழுப்புரம் மாவட்டம் திண்டிவனம் அடுத்த கீழ் எடையாளம் பகுதியை சேர்ந்தவர் முருகேசன் மனைவி முத்தம்மாள் (75). இவரது மகளை தென்களவாய் பகுதியில் திருமணம் செய்து கொடுத்துள்ளார். இவர் தனது மகளை பார்ப்பதற்காக கீழ் எடையாளத்தில் இருந்து தென்களவாய் பகுதிக்கு விவசாய நிலப்பகுதியில் குறுக்கு வழியாக நடந்து செல்வது வழக்கம். இந்நிலையில் நேற்று அதிகாலை தென்களவாய் பகுதியை சேர்ந்த கிருஷ்ணமூர்த்தி என்பவரது விவசாய கிணற்றில் மூதாட்டி தலைகுப்புற விழுந்த நிலையில் இறந்து கிடந்தார். இதுகுறித்து அப்பகுதி மக்கள் மயிலம் போலீசாருக்கு தகவல் தெரிவித்தனர். மேலும் திண்டிவனம் தீயணைப்பு துறையினருக்கும் தகவல் தெரிவிக்கப்பட்டது.இதையடுத்து சம்பவ இடத்துக்கு விரைந்து வந்த தீயணைப்பு துறையினர் மூதாட்டியின் சடலத்தை மீட்டு பிரேத பரிசோதனைக்காக விழுப்புரம் முண்டியம்பாக்கம் அரசு மருத்துவக்கல்லூரி மருத்துவமனைக்கு அனுப்பி வைத்தனர். இதுகுறித்து மயிலம் போலீசார் வழக்குப்பதிந்து விசாரணை நடத்தி வருகின்றனர். இச்சம்பவம் அப்பகுதியில் பரபரப்பை ஏற்படுத்தி உள்ளது.

மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்