SUN குழுமத்திலிருந்து வெளிவரும் காலை நாளிதழ்

நாகர்கோவிலில் மின் கம்பங்கள் மீது மோதி கடைக்குள் புகுந்த சரக்கு லாரி

2/21/2020 12:46:15 AM

நாகர்கோவில்,  பிப்.21: நாகர்கோவிலில் நேற்று அதிகாலையில் மின்கம்பங்களை மோதி தள்ளிவிட்டு சரக்கு லாரி கடைக்குள் புகுந்து விபத்துக்குள்ளாகியது. திருநெல்வேலியில் இருந்து கேரளாவுக்கு சர்க்கரை பாரம் ஏற்றிக்கொண்டு லாரி ஒன்று நேற்று சென்றுகொண்டிருந்தது. அதிகாலை 3 மணியவில் நாகர்கோவில் ஒழுகினசேரி அருகே வந்துகொண்டிருந்தபோது திடீரென்று ஓட்டுநரின் கட்டுப்பாட்டை இழந்து சாலையோரத்தில் ஓடியது. இதில் சாலையோரத்தில் நின்றிருந்த இரண்டு மின்கம்பங்கள் மீது மோதி சாய்ந்தது. இதில் மின்கம்பங்கள் உடைந்தன. தொடர்ந்து லாரி சாலையோரத்தில் இருந்த கடையில் பலத்த சத்தத்துடன் மோதி நின்றது.இதில் கடையின் முன்பக்க ஷட்டர் உடைந்து நொறுங்கியது. அருகில் இருந்த தடுப்பு சுவர்களும் உடைந்தன. அதிகாலை நடந்த இந்த விபத்தால் அதிர்ஷ்டவசமாக உயிர் சேதம் ஏதும் ஏற்படவில்லை. கடையின் உள்ளே இருந்த பொருட்கள் சேதமடைந்துள்ளன. தகவல் அறிந்ததும் நாகர்கோவில் போக்குவரத்து புலனாய்வு பிரிவு போலீசார் வருகை தந்து விபத்து தொடர்பாக விசாரணை நடத்தி வருகின்றனர்.

மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்