SUN குழுமத்திலிருந்து வெளிவரும் காலை நாளிதழ்

திருவாரூர் 9வது வார்டில் அடிப்படை வசதி இல்லாத சுடுகாடு

2/20/2020 6:43:20 AM

திருவாரூர், பிப்.20: திருவாரூர் நகராட்சி 9வது வார்டில் உள்ள சுடுகாட்டில் மேற்கூரை உள்ளிட்ட அனைத்து அடிப்படை வசதிகளையும் செய்து தர அப்பகுதி மக்கள் கோரிக்கை விடுத்துள்ளனர். திருவாரூர் நகராட்சி 9வது வார்டு கேக்கரை பகுதியில் சுடுகாடு உள்ளது. நகராட்சியின் கட்டுப்பாட்டில் இருந்து வரும் இந்த சுடுகாட்டினை கேக்கரை, ராமகே ரோடு, திருவள்ளுவர் தெரு, பிடாரிகோயில் தெரு உட்பட பல்வேறு பகுதிகளை சேர்ந்த 400க்கும் மேற்பட்ட குடும்பத்தினர் பயன்படுத்தி வருகின்றனர். மேலும், தாழ்த்தப்பட்டவர்கள் உட்பட அனைத்து சமூகத்தினரும் பயன்படுத்தி வரும் சமத்துவ சுடுகாடாகவும் இருந்து வருகிறது.இந்நிலையில் இந்த சுடுகாட்டின் தகன மேடை மேற்கூரை பெயர்ந்து காணப்படுகிறது. இதில் சுமார் 10 ஆண்டுகளுக்கு முன் கட்டப்பட்ட சுற்றுசுவரும் தற்போது தரை மட்டமாகி உள்ளது. மேலும் இந்த சுடுகாடானது சாலை மட்டத்தை விட சுமார் 4 அடிக்கு கீழே உள்ளதால் மழை காலங்களில் குட்டை போல் நீர் தேங்கி இறந்தவர்களை அடக்கம் செய்வதற்கு மிகவும் சிரமப்பட வேண்டிய நிலை உள்ளது. மேலும் இங்கு போர்வெல் பைப் இல்லாததன் காரணமாக கோடை காலங்களில் ஒரு குடம் நீர் கூட கிடைக்காமல் திண்டாடி வருகின்றனர். இதை தவிர மின் விளக்கு வசதி இல்லாத காரணத்தினால் மாலை 6 மணிக்கு மேல் இறுதி சடங்கு செய்வதற்கும் இப்பகுதி மக்கள் துன்பப்பட்டு வருகின்றனர்.

 மேலும் சுற்றுசுவர் இல்லாத காரணத்தினால் அடக்கம் செய்யப்படும் பிணங்களை நாய் போன்ற பிரானிகள் தோண்டி எடுத்து சேதப்படுத்தும் நிலையும் இருந்து வருகிறது, எனவே இந்த சுடுகாட்டிற்கு மேற்கூரை, மின்விளக்கு, போர்வெல் போன்ற வசதிகளை செய்து கொடுப்பதுடன் மழை காலங்களில் நீர் தேங்காமல் இருக்கும் வகையில் மேடாக்கி தருவதுடன் சுற்றுசுவரும் அமைத்து கேட் அமைத்து தர வேண்டும் என்றும் அப்பகுதி மக்கள் நகராட்சி நிர்வாகத்திற்கு கோரிக்கை விடுத்துள்ளனர்.

மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்