SUN குழுமத்திலிருந்து வெளிவரும் காலை நாளிதழ்

படிப்புக்கேற்ற பாதுகாப்பான வேலை கேட்டு ஜனநாயக வாலிபர் சங்கத்தினர் ஆர்ப்பாட்டம்

2/19/2020 6:29:17 AM

விருதுநகர், பிப்.19: படிப்புக்கேற்ற பாதுகாப்பான வேலை கேட்டு ஜனநாயக வாலிபர் சங்கத்தினர் ஆர்ப்பாட்டத்தில் ஈடுபட்டனர். விருதுநகர் தேசபந்து மைதானத்தில் ஜனநாயக வாலிபர் சங்க மாவட்ட தலைவர் ஜெயபாரத் தலைமையில் நடந்த ஆர்ப்பாட்டத்தில், அரசுத்துறைகளில் காலியாக உள்ள பணியிடங்களை முழுமையாக நிரப்ப வேண்டும். ரயில்வே உள்ளிட்ட அரசுத்துறைகளில் ஓய்வு பெற்றவர்களை மீண்டும் பணியில் அமர்த்தும் முடிவை கைவிட வேண்டும். முறைசாரா தொழிலாளர்களுக்கு சமூக பாதுகாப்பை உறுதி செய்ய வேண்டும். தனியார் துறைகளில் இடஒதுக்கீடு அமலாக்க வேண்டும். இளைஞர்களின் திறமைகளை நாட்டின் வளர்ச்சிக்கு பயன்படுத்தும் வகையில் இளைஞர் நலக் கொள்கைகளை உருவாக்க வேண்டும். குறைந்தபட்ச ஊதியம் ரூ.21 ஆயிரமாக உயர்த்த வேண்டும்.

தமிழ்நாடு அரசு தேர்வாணைய ஊழலை தடுத்து தகுதியான இளைஞர்களுக்கு வேலை வழங்க வேண்டும். விருதுநகர் மாவட்டத்தில் உள்ள ஒரேஒரு பொதுத்துறை நிறுவனமான ஆலங்குளம் சிமிண்ட் ஆலையை நவீனப்படுத்தி நேரடியாக 3 ஆயிரம் பேருக்கும், மறைமுகமாக 10 ஆயிரம் பேர் வேலை வழங்க உரிய நடவடிக்கைகளை எடுக்க கோரி கோஷம் எழுப்பினர். ஆர்ப்பாட்டத்தில் மாநில பொருளாளர் தீபா, மாவட்ட செயலாளர் சிவராமன், மாவட்ட பொருளாளர் ஜெயந்தி உள்பட பலர் பங்கேற்றனர்.

மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்