SUN குழுமத்திலிருந்து வெளிவரும் காலை நாளிதழ்

சத்தியமங்கலத்தில் லாரி ஒர்க் ஷாப்பில் திடீர் தீ விபத்து

2/19/2020 12:43:09 AM

சத்தியமங்கலம், பிப்.19: ஈரோடு மாவட்டம் சத்தியமங்கலத்தில் லாரி பழுது பார்க்கும் ஒர்க் ஷாப்பில் திடீர் தீ விபத்து ஏற்பட்டதால் ஆயில் மற்றும் உதிரி பாகங்கள் எரிந்து நாசமானது.ஈரோடு மாவட்டம் சத்தியமங்கலம் எஸ்ஆர்டி கார்னர் பகுதியில் உள்ள மீனாட்சி திருமண மண்டபம் அருகே விஜயகுமார் என்பவருக்கு சொந்தமான லாரி ஒர்க் ஷாப் மற்றும் உதிரி பாகங்கள் விற்பனை கடை உள்ளது. இவர், வழக்கம்போல் நேற்று முன்தினம் இரவு வேலையை முடித்துவிட்டு வீட்டிற்கு சென்றார். இரவு 9.30 மணியளவில் ஒர்க்ஷாப் திடீரென தீப்பிடித்து எரிவதை அப்பகுதி பொதுமக்கள் பார்த்து உடனடியாக சத்தியமங்கலம் தீயணைப்புத்துறையினருக்கு தகவல் தெரிவித்தனர். தகவலறிந்து சம்பவ இடத்திற்கு சென்ற தீயணைப்பு வீரர்கள் தண்ணீரை பீய்ச்சியடித்து அரைமணி நேரம் போராடி தீயை கட்டுக்குள் கொண்டு வந்தனர். இருப்பினும், ஒர்க்ஷாப் கொட்டகை முழுவதும் எரிந்ததோடு லாரி உதிரிப்பாகங்களும் எரிந்து சேதமடைந்தது. தீயணைப்பு வீரர்கள் விரைந்து வந்து தீயை அணைத்ததால் குடியிருப்பு பகுதியில் தீ பரவாமல் தடுக்கப்பட்டது. தீ விபத்தின்போது அருகே இருந்த வீடுகளில் இருந்தவர்கள் பாதுகாப்பு கருதி வெளியேற்றப்பட்டனர். மின்கசிவு காரணமாக தீ விபத்து ஏற்பட்டதா? அல்லது வேறு ஏதாவது காரணமா? என்பது குறித்து சத்தியமங்கலம் போலீசார் விசாரணை நடத்தி வருகின்றனர்.

மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்