SUN குழுமத்திலிருந்து வெளிவரும் காலை நாளிதழ்

கண்மாய் உபரிநீர் வரும் பாதையில் டிவைடிங் டேம் அமைக்காமல் தண்ணீர் திறக்க மக்கள் எதிர்ப்பு

2/18/2020 6:59:16 AM

சிவகங்கை, பிப்.18: மானாமதுரை அருகே ராஜகம்பீரம் கண்மாய் உபரிநீர் வரும் பாதையில் டிவைடிங் டேம் அமைக்காமல் நீர் திறக்க வேண்டாம் என அன்னவாசல் கண்மாய் ஆயக்கட்டுதாரர்கள் கலெக்டர் ஜெயகாந்தனிடம் மனு அளித்தனர்.
மக்கள் குறை தீர் கூட்டத்தில் அன்னவாசல் கண்மாய் ஆயக்கட்டுதாரர்கள் கலெக்டர் ஜெயகாந்தனிடம் அளித்த மனுவில் கூறியிருப்பதாவது: அன்னவாசல் மற்றும் புதூர் கிராமங்களில் சுமார் ஆயிரத்திற்கும் மேற்பட்டவர்கள் வசித்து வருகிறோம். இந்த கிராமத்திற்கும் ஜீவாதாரமாக இருப்பது அன்னவாசல் கண்மாய் ஆகும். இக்கண்மாய் மூலம் சுமார் 526 ஏக்கர் விவசாய நிலம் பயன்பட்டு வருகிறது. இக்கண்மாய்க்கு மழைக்காலங்களில் ராஜகம்பீரம் கண்மாயில் இருந்து உபரி நீர் வரும். இந்த உபரி நீர் மட்டுமே இக்கண்மாய்க்கான நீர் ஆதாரம் ஆகும். எங்கள் கண்மாய்க்கான கால்வாய் மேட்டுப்பகுதியாகும். இந்நிலையில் ராஜகம்பீரம் கண்மாயில் இருந்து வரும் உபரி நீரை கிளங்காட்டூர் கண்மாய்க்கு தாழ்வான கால்வாய் மூலம் கொண்டு செல்ல கிளங்காட்டூர் கண்மாய் ஆயக்கட்டுதாரர்கள் முயற்சித்து இப்பிரச்சினை தொடர்பாக சென்னை உயர்நீதி மன்றத்தில் வழக்கு தொடரப்பட்டது.

இதில் தாழ்வான கால்வாய் வழி நேரடியாக நீர் கொண்டு செல்லப்படாமல் டிவைடிங் டேம் அமைத்து குறிப்பிட்ட அளவின்படி அன்னவாசல் கண்மாய்க்கு நீர் குறையாமல் கிளங்காட்டூர் கண்மாய்க்கு நீர் கொண்டு செல்லலாம் என தீர்ப்பு வந்தது. ஆனால் இதுவரை டிவைடிங் டேம் கட்டப்படவில்லை. இந்நிலையில் ராஜகம்பீரம் கண்மாய் வரும் உபரி நீரை கிளங்காட்டூர் கண்மாய்க்கு தாழ்வான கால்வாய் மூலம் கொண்டு செல்ல கிளங்காட்டூர் கண்மாய் ஆயக்கட்டுதாரர்கள் தீவிர முயற்சி செய்து வருகின்றனர். இதனால் அன்னவாசல் கண்மாய்க்கு நீர் கிடைக்காது. இதனால் விவசாயம் பாதிக்கப்படும். கிராம மக்களுக்குள் பிரச்சினை ஏற்படும். எனவே டிவைடிங் டேம் கட்டாமல் நீர் திறக்க அனுமதிக்க வேண்டாம். இவ்வாறு
தெரிவித்துள்ளனர்.

மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்