SUN குழுமத்திலிருந்து வெளிவரும் காலை நாளிதழ்

குடியுரிமை திருத்த சட்டத்தை கண்டித்து ஓசூரில் மார்ச் 8ல் பேரணி

2/18/2020 5:59:39 AM

ஓசூர், பிப்.18: குடியுரிமை திருத்த சட்டத்தை கண்டித்து, ஓசூர் மக்களை ஒன்று திரட்டி வரும் மார்ச் 8ம் தேதி  பேரணி நடத்த உள்ளதாக இந்திய கம்யூனிஸ்ட் கட்சியின் மகேந்திரன் தெரிவித்தார்.கிருஷ்ணகிரி மாவட்டம் ஓசூரில், இந்திய கம்யூனிஸ்ட் கட்சியின் நிர்வாகக்குழு கூட்டம் நடைபெற்றது. இதில் பங்கேற்க வந்த தேசியக்குழு உறுப்பினர் மகேந்திரன், நிருபர்களிடம் கூறியதாவது:தேசிய குடியுரிமை  திருத்த சட்டத்தை திரும்ப பெறக் கோரி, நாடு முழுவதும் போராட்டம் வலுத்துள்ளது. ஆனால், எக்காரணத்தை கொண்டும் பின்வாங்கப் போவதில்லை என்று மோடி அறிவித்திருக்கிறார். அவர் ஆட்சியில் இருந்து இறங்க, இப்போராட்டம் தான் அடிப்படை காரணமாக அமையப் போகிறது. இந்த சட்டத்தை நிறைவேற்ற முடியாது என்று 13 மாநிலத்தில் அறிவித்துள்ளனர். காஷ்மீர் முதல் கன்னியாகுமரி வரை போராட்டக்களத்தில் குதித்துள்ள நிலையில், மோடியின் அறிவிப்பானது அவரது சர்வாதிகார மனப்பான்மையை காட்டுகிறது.  கிருஷ்ணகிரி மாவட்டத்தில் யானைகளிடமிருந்து விளைநிலங்களை பாதுகாக்க வேண்டும். யானைகளையும் பாதுகாக்க வேண்டும். இந்திய கம்யூனிஸ்ட் கட்சி சார்பில், குடியுரிமை திருத்த சட்டத்திற்கு எதிராக, ஓசூரில் அனைத்து பகுதி மக்களையும் ஒன்று திரட்டி, வரும் மார்ச் 8ம் தேதி மிகப்பெரிய பேரணி நடத்த உள்ளோம். இதில், கட்சியின் தேசிய பொதுச்செயலாளர் ராஜா உள்ளிட்டோர் கலந்து கொள்கிறார்கள்.
இவ்வாறு அவர் கூறினார். அப்போது முன்னாள் எம்எல்ஏ ராமச்சந்திரன், மாநிலக்குழு உறுப்பினர் லகுமய்யா, ஏஐடியூசி மாவட்ட செயலாளர் மாதையன், விவசாய சங்க மாவட்ட செயலாளர் பழனி, மாவட்ட துணை செயலாளர் சின்னசாமி உள்ளிட்டோர் உடனிருந்தனர்.

மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்