SUN குழுமத்திலிருந்து வெளிவரும் காலை நாளிதழ்

எலச்சிப்பாளையத்தில் காவிரி-திருமணிமுத்தாறு இணைப்பு திட்டத்தை வலியுறுத்தி ஆர்ப்பாட்டம்

2/18/2020 5:56:42 AM

திருச்செங்கோடு, பிப்.18: காவிரி-திருமணிமுத்தாறு இணைப்பு திட்டத்தை வலியுறுத்தி, எலச்சிப்பாளையத்தில் நடைபெற்ற ஆர்ப்பாட்டத்தில் விவசாயிகள் திரளாக பங்கேற்றனர். காவிரி பொன்னி ஆறு, திருமணிமுத்தாறு இணைப்பு திட்டத்தை நிறைவேற்ற வலியுறுத்தி, தமிழக விவசாயிகள் சங்கத்தின் சார்பில், திருச்செங்கோடு அருகே எலச்சிப்பாளையம் ஊராட்சி ஒன்றிய அலுவலகம் முன் ஆர்ப்பாட்டம் நடைபெற்றது. இப்போராட்டத்திற்கு மாநில பொதுச்செயலாளர் சுந்தரம் தலைமை தாங்கினார். மேட்டூர் அணை முழு கொள்ளளவான 120 அடியை எட்டிய பின்பு வரும் உபரி நீரை பொன்னி ஆறு மற்றும் திருமணிமுத்தாற்றுக்கு திருப்பி விட்டால், நாமக்கல் மாவட்டம் முழுவதும் பயன்பெறும் என்ற கருத்தை கடந்த 60 ஆண்டுகளாக வலியுறுத்தி வருகின்றனர் நாமக்கல் மாவட்ட விவசாயிகள். இதனை நிறைவேற்ற வலியுறுத்தி தமிழக விவசாயிகள் சங்கத்தினர் எலச்சிபாளையம் பஸ் நிறுத்தத்தில் இருந்து பேரணியாக புறப்பட்டு எலச்சிப்பாளையம் ஊராட்சி ஒன்றிய அலுவலகத்தை அடைந்தனர். அங்கு, கோரிக்கையை வலியுறுத்தி ஆர்ப்பாட்டம் நடந்தது. முடிவில் ஊராட்சி ஒன்றிய அலுவலகத்தில் கோரிக்கை மனு அளித்தனர்.
இதுகுறித்து தமிழக விவசாயிகள் சங்கத்தின் மாநில பொதுச்செயலாளர் சுந்தரம் நிருபர்களுக்கு அளித்த பேட்டி:

மேட்டூர் அணையில் இருந்து திறந்து விடப்படும் உபரி நீர் காவிரி ஆறு, பொன்னியாறு, திருமணிமுத்தாறுகளில் கலக்குமாறு இணைப்பு திட்டத்தை நிறைவேற்ற வலியுறுத்தி கடந்த 60 ஆண்டுகளாக போராடி வருகிறோம். மறைந்த முன்னாள் முதல்வர் ஜெயலலிதா இந்த திட்டத்தை ஆய்வு செய்ய உத்தரவிட்டார். அவரது வழியில் நடக்கும் தற்போதைய அரசு இந்த திட்டத்தை செயல்படுத்த எந்த  நடவடிக்கையும் எடுக்காமல் இருக்கிறது. அதனை கருத்தில் கொண்டு இந்த ஆர்ப்பாட்டத்தை நடத்தி வருகிறோம். முதற்கட்டமாக எலச்சிப்பாளையத்தில் இந்த ஆர்ப்பாட்டம்  நடைபெற்றுள்ளது. தொடர்ந்து மாவட்டம் முழுவதும் திட்டம் நிறைவேறும் வரை ஆர்ப்பாட்டம் நடத்துவோம். இவ்வாறு அவர் கூறினார். இந்த ஆர்ப்பாட்டத்தில் 200க்கும் மேற்பட்ட விவசாயிகள் கலந்து கொண்டு காவிரி ஆறு  -திருமணிமுத்தாறு இணைப்பு திட்டத்தை நிறைவேற்ற வலியுறுத்தி கோஷங்களை எழுப்பினர்.

மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்