SUN குழுமத்திலிருந்து வெளிவரும் காலை நாளிதழ்

தாயின் சேலையில் தொட்டில் கட்டி விளையாடிய சிறுவன் கழுத்து இறுகி பலி

2/18/2020 12:14:47 AM

நாகர்கோவில், பிப்.18:  நாகர்கோவிலில் தாயின் சேலையில் தொட்டில் கட்டி விளையாடிய 7ம் வகுப்பு மாணவன், கழுத்து இறுகி பரிதாபமாக இறந்தான்.நாகர்கோவில் கோட்டார் முதலியார் வடக்கு தெருவை சேர்ந்தவர் சதீஷ் (41).  இவர் பைனான்ஸ் நிறுவனத்தில் வேலை பார்த்து வருகிறார். இவரது மனைவி ஆன்றோ விஜி. கால்நடைத்துறையில் சூப்பிரெண்டாக இருக்கிறார். இவர்களுக்கு ஆன்றோ ஷப்ரீன் (12) என்ற மகனும், ஒரு மகளும் உள்ளனர். இதில் ஆன்றோ ஷப்ரீன் 7ம் வகுப்பு படித்து வந்தான். படிப்பில் சிறந்து விளங்கிய ஆன்றோ ஷப்ரீன், அதிக சுட்டித்தனமும் செய்வான். நேற்று முன் தினம் (ஞாயிறு) சதீஷ் மற்றும் அவரது மனைவி, மகள் ஆகியோர் பெரியகாடு கோயிலுக்கு சென்று இருந்தனர். ஆன்றோ ஷப்ரீன் மட்டும் வீட்டில் விளையாடிக் கொண்டு இருந்தான்.

அப்போது விளையாட்டு தனமாக வீட்டில் உள்ள பேனில், தாயின் சேலையை தொங்க விட்டு, தொட்டில் கட்டி விளையாடினான். இதில் திடீரென ஆன்றோ ஷப்ரீன் கழுத்தில் சேலை இறுகியது. அவனால் அதில் இருந்து மீள முடியவில்லை. இந்த சத்தம் கேட்டு வீட்டுக்கு வெளியே நின்று கொண்டு இருந்த பாட்டியும், அக்கம் பக்கத்தினரும் உள்ளே ஓடி வந்தனர். ஆன்றோ ஷப்ரீன் உயிருக்கு போராடிய நிலையில் இருந்ததை பார்த்து அதிர்ச்சி அடைந்த அவர்கள், ஆன்றோ ஷப்ரீனை மீட்டு நாகர்கோவிலில் உள்ள தனியார் மருத்துவமனைக்கு கொண்டு சென்றனர். ஆனால் அங்கு பரிசோதனை செய்ததில், ஆன்றோ ஷப்ரீன் இறந்தது தெரிய வந்தது. கோட்டார் போலீசார் சென்று விசாரணை நடத்தி, ஆன்றோ ஷப்ரீன் உடலை பிரேத பரிசோதனைக்காக அனுப்பி வைத்தனர். இந்த சம்பவம் குறித்து விசாரணை நடத்தினர். விளையாட்டு வினையில் முடிந்து. சிறுவன் பலியான சம்பவம் பெரும் சோகத்தை ஏற்படுத்தி உள்ளது.


மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்