SUN குழுமத்திலிருந்து வெளிவரும் காலை நாளிதழ்

வெட்டாறு பாலத்தில் சேதமடைந்த மின் கம்பங்களை உடனே மாற்ற வேண்டும்

2/13/2020 12:18:05 AM

நாகை,பிப்.13: நாகை வெட்டாறு பாலத்தில் சேதம் அடைந்துள்ள அனைத்து மின் கம்பங்களையும் உடனே சீரமைக்க வேண்டும் என்று சமூக ஆர்வலர்கள் கோரிக்கை விடுத்துள்ளனர். நாகை மாவட்டத்தின் எல்லையாக நாகூர் வெட்டாறு பாலம் அமைந்துள்ளது. இந்த பாலத்தில் போடப்பட்டுள்ள அனைத்து மின் கம்பங்களும் சேதம் அடைந்துள்ளது. இதனால் இரவு நேரங்களில் ஒரு சில மின் கம்பங்களில் இருந்து மட்டுமே வெளிச்சம் கிடைக்கிறது. மாவட்டத்தின் எல்லை பகுதியாக இருப்பதால் போதிய மின் வெளிச்சம் இன்றி இந்த பாலம் இருளில் மூழ்கியிருப்பது சமூக விரோதிகளுக்கு புகலிடமாக அமைந்துள்ளது. மேலும் அருகிலேயே பாண்டிச்சேரி மாநில எல்லை வருவதால் குடிமகன்களின் கூடாரமாகவும் இந்த பாலம் அமைந்துள்ளது.

மாலை நேரம் தொடங்கியவுடனே மதுபானங்களை அருந்துவதற்காக நிறைய பேர் இந்த பாலத்தை நோக்கி வர தொடங்கி விடுகின்றனர். இது ஒருபுறம் இருந்தாலும் சேதம் அடைந்த மின் கம்பங்களால் அந்த வழியாக செல்வோர்களின் உயிருக்கு ஆபத்தும் ஏற்படும் அபாயம் இருப்பதாக சமூக ஆர்வலர்கள் தெரிவிக்கின்றனர். நாகூர் வெட்டாறு பாலத்தில் சேதம் அடைந்து பொதுமக்களை அச்சுறுத்தி வரும் மின் கம்பங்களை மாற்ற வேண்டும் என்று சிவசேனா கட்சி சார்பில் கலெக்டர் அலுவலகத்தில் மனு கொடுக்கப்பட்டுள்ளது. ஆனால் பழுதடைந்து நிற்கும் மின் கம்பங்கள் பழுதடைந்தே நிற்கிறது. எனவே இனியும் காலம் தாழ்த்தாமல் பழுதடைந்த மின் கம்பங்களை எல்லாம் சீர் செய்ய வேண்டும் என்று சமூக ஆர்வலர்கள் தெரிவிக்கின்றனர்.

மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்