SUN குழுமத்திலிருந்து வெளிவரும் காலை நாளிதழ்

தூங்கி வழியும் பொதுப்பணித்துறை, மாசுக்கட்டுப்பாட்டு வாரியம் ஆற்காடு நகரை சுற்றி பாலாற்றில் கொட்டி எரிக்கப்படும் குப்பைகள்

1/29/2020 1:27:25 AM

வேலூர், ஜன.29: ராணிப்பேட்டை மாவட்டம் ஆற்காடு நகரை சுற்றி பாலாற்றில் கொட்டப்பட்டு எரிக்கப்படும் குப்பைகளால் வாகன ஓட்டிகள், பொதுமக்கள் அவதிக்குள்ளாவதுடன், நிலத்தடி நீராதாரம் பாதிக்கப்படுவது குறித்து பொதுப்பணித்துறையும், மாசுக்கட்டுப்பாட்டு வாரியமும் கண்டுகொள்ளவில்லை என்று குற்றச்சாட்டு எழுந்துள்ளது. இந்தியாவில் ஆங்கில ஆட்சிக்கு வித்திட்ட நகரமான ஆற்காடு நகரை வடக்கில் இருந்து வடகிழக்காக மாலை போல பாலாறு சுற்றி செல்கிறது. ஒரு காலத்தில் பாலாற்றின் நீர்வளத்தால் வேளாண்மை பூமியாக விளங்கிய ஆற்காடு நகரை சுற்றியுள்ள கிராமங்கள் இன்று வானம் பார்த்த பூமியாகி போயுள்ளது. இந்த நிலையில் இருக்கும் நிலத்தடி நீராதாரத்தையும் மணல் மாபியாக்களும், தொழிற்சாலை கழிவுகளும் சேர்ந்து பாழாக்கி வருகிறது. இது ஒருபுறம் என்றால் பாலாற்றின் இருகரையின் நெடுகிலும் உள்ள உள்ளாட்சி அமைப்புகளால் கொட்டப்படும் குப்பைகளும், கழிவுநீரும் பாலாற்றின் முகத்தையே மாற்றியுள்ளது. இதில் அதிகபட்சமாக பாலாற்றின் வடகரையில் அமைந்துள்ள ராணிப்பேட்டை, வாலாஜா, ஆற்காடு நகரங்களில் குப்பைகளும், பிளாஸ்டிக் கழிவுகளும் பாலாற்றில் கொட்டி எரிக்கப்படுவது அந்நகரங்களை ஒட்டி தேசிய, மாநில நெடுஞ்சாலைகளில் செல்லும் வாகன ஓட்டிகளை மட்டுமின்றி, பொதுமக்களையும் வேதனையில் ஆழ்த்தியுள்ளது.

அதோடு பாலாற்றின் கரையில் உள்ள குடியிருப்புகளில் வசிக்கும் மக்களின் உடல்நலத்துக்கும் கேடுவிளைவித்து வருவதாக வேதனை தெரிவிக்கின்றனர் மக்கள்.அதோடு ரசாயன கழிவுகளும் கலப்பதால் மேற்கண்ட நகரங்களை ஒட்டி பாலாற்றின் நிலத்தடி நீராதாரம் முற்றிலும் பாதிக்கப்பட்டுள்ளதாகவும், நீரில் குரோமியத்தின் அளவு அதிகரித்துள்ளதுடன், நீரின் சுவையும் உவர்ப்பு தன்மையுடன் மாறியுள்ளது. ஆனால் இவ்விஷயத்தில் ஏனோ உள்ளாட்சி அமைப்புகள் மட்டுமின்றி அக்கறை காட்ட வேண்டிய பொதுப்பணித்துறையின் நீராதாரப்பிரிவும், மாசுக்கட்டுப்பாட்டு வாரியமும் தூங்கி வழிவதுதான் புரியவில்லை என்று வேதனை தெரிவிக்கின்றனர் ஆற்காடு நகர மக்கள் மட்டுமின்றி அதன் கரையோர கிராமங்களை சேர்ந்த விவசாயிகளும். எனவே, இனிமேலாவது ஒருங்கிணைந்த வேலூர் மாவட்டம் முழுவதும் பாலாற்றையும், அதன் நிலத்தடி நீராதாரத்தையும், அதன் சூழலையும் பாதுகாக்கும் நடவடிக்கைகளில் பொதுப்பணி்ததுறையும், மாசுக்கட்டுப்பாட்டு வாரியமும் அக்கறை காட்ட வேண்டும் என்று ஆற்காடு நகர மக்கள் கோரிக்கை விடுத்துள்ளனர்

மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்