SUN குழுமத்திலிருந்து வெளிவரும் காலை நாளிதழ்

சுடுகாட்டுக்கு செல்லும் பாதை ஆக்கிரமிப்பு

1/28/2020 1:26:03 AM

மொடக்குறிச்சி,  ஜன. 28:   கொடுமுடி ஒன்றியத்துக்குட்பட்ட  ஆவுடையார் பாறையில் 70க்கும் மேற்பட்ட குடும்பத்தினர் வசித்து வருகின்றனர்.  இந்த ஊரில் யாராவது இறந்தால் அவர்களை அடக்கம் செய்வதற்காக கடந்த சில  ஆண்டுகளுக்கு முன்பு அரசு சுடுகாட்டிற்கு சடலங்களை  கொண்டு செல்வதற்காக பாதை அமைத்துக் கொடுத்தது. இந்நிலையில் கடந்த 30  ஆண்டுக்கு முன்பு சுடுகாட்டுக்குச் செல்லும் பாதையையொட்டி உள்ள தோட்டத்து உரிமையாளர்கள் ஆக்கிரமித்துக் கொண்டனர். இதனால் சடலத்தை கொண்டு செல்ல முடியாமல் பாதை சுருங்கி விட்டது. இதனால்  4 பேர் சுமந்து செல்கின்ற சடலத்தை இருவர் மட்டுமே முன்பின் ஆக சுமந்து செல்ல வேண்டிய சூழ்நிலை உள்ளது. சுடுகாட்டுக்குச் செல்லும் பாதையை ஆக்கிரமித்துள்ள நபர்கள் மீது நடவடிக்கை எடுத்து பாதையை தனியாரிடம் இருந்து மீட்டு தரவேண்டும் என அப்பகுதியை  சேர்ந்த பொதுமக்கள் பலமுறை அரசுக்கு மனு அளித்தனர். ஆனால்  இது குறித்து மாவட்ட நிர்வாகம், கொடுமுடி தாசில்தார் ஆகியோர் இதுவரை எந்த  நடவடிக்கையும் எடுக்கவில்லை. மேலும் மொடக்குறிச்சி  சிவசுப்பிரமணி எம்.எல்.ஏ. புகார் மனு அளித்தும் எவ்வித நடவடிக்கையும் எடுக்கவில்லை. இந்நிலையில் சுடுகாட்டுக்குச் செல்லும் பாதையை தனியாரிடமிருந்து மீட்டு  தரவேண்டும் என அப்பகுதியை சேர்ந்த பொதுமக்கள் முதலமைச்சரிடம் கோரிக்கை  விடுக்க உள்ளனர். கோரிக்கை விடுத்தும் பாதையை அரசு மீட்டு தரவில்லை என்றால், சடலத்தை வைத்து போராட்டம்  நடத்தப்படும் என அப்பகுதியை சேர்ந்த பொதுமக்கள் தெரிவித்துள்ளனர்.

மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்