SUN குழுமத்திலிருந்து வெளிவரும் காலை நாளிதழ்

மாடு முட்டியதில் பலத்த காயம் ஆம்புலன்ஸ் இல்லாததால் மானூர் சுகாதார நிலையத்தில் 3 மணி நேரம் காத்திருந்த பெண்

1/24/2020 6:52:35 AM

மானூர், ஜன. 24:   நெல்லை அருகே மானூர் தாலுகா பள்ளமடையை சேர்ந்தவர் சிவன்பெருமாள் மனைவி ஜீனத்செல்வி (24). நேற்று மதியம் ஜீனத் செல்வி, வீட்டில் வளர்த்து வரும் பசு மாட்டிற்கு தண்ணீர் காட்டுவதற்காக தொழுவத்தில் அவிழ்த்துள்ளார்.  அருகில் நின்றிருந்த முதியவர் மீது முட்டிவிடாமல் இருக்க மாட்டின் கயிற்றை வேகமாக இழுத்துள்ளார். அப்போது மாடு, ஜீனத்செல்வியை கொம்பால் முட்டி தூக்கி வீசியது. இதனால் தொடையில் பலத்த காயமடைந்த அவரை அருகில் இருந்தவர்கள், ஆட்டோவில் ஏற்றி மானூர் ஆரம்ப சுகாதார நிலையத்துக்கு கொண்டு சென்றனர். அங்கு முதலுதவி தரப்பட்டு மேல்சிகிச்சைக்காக நெல்லை அரசு மருத்துவக்கல்லூரி மருத்துவமனைக்கு பரிந்துரை செய்தனர். மேலும் 108 ஆம்புலன்சுக்கு தகவல் கொடுக்கப்பட்டது. மதியம் 12.30 மணியளவில் ஜீனத் செல்வி மருத்துவமனைக்கு கொண்டு வரப்பட்ட நிலையில், மாலை 3 மணி வரை ஆம்புலன்ஸ் வரவில்லை. இதனால் அதிக ரத்தப்போக்கு ஏற்பட்டு ஜீனத் செல்வி மயங்கினார். 3.15 மணிக்கு ஆம்புலன்ஸ் வந்த நிலையில், அவர் நெல்லை மருத்துவமனைக்கு அனுப்பி வைக்கப்பட்டார். அங்கு அவருக்கு தீவிர சிகிச்சை அளிக்கப்பட்டு வருகிறது.

மேலும் செய்திகள்

Like Us on Facebook Dinkaran Daily News
  • 23-02-2020

    23-02-2020 இன்றைய சிறப்பு படங்கள்

  • theepam2020

    மகாசிவராத்திரியை முன்னிட்டு தி.மலை கோவிலில் ஸ்ரீ லிங்கோத்பவருக்கு சிறப்பு அபிஷேகம்

  • 22-02-2020

    22-02-2020 இன்றைய சிறப்பு படங்கள்

  • UkraineCoronaProtest

    கொரோனாவால் பாதிக்கப்பட்டுள்ள சீனாவில் இருந்து மக்களை அழைத்து வந்ததற்கு எதிர்ப்பு: உக்ரைனில் வெடித்தது போராடடம்!

  • puthu2020

    அமெரிக்க அதிபர் ட்ரம்ப் தங்குவதற்காக டெல்லி மௌரியா ஹோட்டலில் ஆடம்பரமாகத் தயார் செய்யப்பட்டுள்ள பிரெசிடென்ட் சூட்!!

படங்கள் வீடியோ கல்வி சினிமா ஜோ‌திட‌ம்