SUN குழுமத்திலிருந்து வெளிவரும் காலை நாளிதழ்

சின்ன வெங்காயத்தின் விலை மார்ச் மாதம் குறையும்

1/24/2020 3:32:06 AM

கோவை, ஜன. 24: சின்ன வெங்காயத்தின் விலை வரும் மார்ச் மாதம் குறையும் என தமிழ்நாடு வேளாண்மை பல்கலைக்கழக அதிகாரிகள் தெரிவித்துள்ளனர். சின்ன வெங்காயம் தென்னிந்தியாவில் அதிகளவில் பயன்படுத்தப்படுகிறது. தமிழ்நாட்டின் மொத்த வெங்காய பரப்பளவில் 80 சதவீதத்திற்கும் மேல் சின்ன வெங்காயமும் மீதம் பெல்லாரி வெங்காயமும் பயிரிடப்படுகிறது. திண்டுக்கல், திருப்பூர், பெரம்பலூர், திருச்சி, நாமக்கல், தேனி, மதுரை ஆகிய மாவட்டங்களில் சின்ன வெங்காயத்தை அதிகளவு பயிரிடுகின்றனர். வர்த்தக மூலங்களின்படி கர்நாடக மற்றும் ஆந்திர பிரதேசத்தில் பருவமழை மற்றும் அதனைத்தொடர்ந்து பயிர் செயலிழப்பால் வெங்காயத்தின் வரத்து தமிழக சந்தையில் குறைந்துள்ளது. நடப்பாண்டின் பயிர் அறுவடை மற்றும் கர்நாடக வரத்து ஆகியவை வரும் மார்ச் மாதத்தில் வெங்காயத்தின் விலையை குறைக்க வாய்ப்பு உள்ளது.

இந்நிலையில், விவசாயிகள் முடிவுகளை எடுக்க ஏதுவாக தமிழ்நாடு வேளாண்மை பல்கலைக்கழகத்தின் வேளாண் மற்றும் ஊரக மேம்பாட்டு ஆய்வு மையத்தில் இயங்கி வரும் தமிழ்நாடு பாசன விவசாய மேம்பாட்டு திட்டத்தின் விலை முன்னறிவிப்பு திட்டம், கடந்த 12 ஆண்டுகளாக திண்டுக்கல் சந்தையில் நிலவிய சின்ன வெங்காயம் விலையை மற்றும் சந்தை ஆய்வுகளை மேற்கொண்டது. ஆய்வுகளின் அடிப்படையில், வரும் மார்ச் மாத இறுதி வரை தரமான சின்ன வெங்காயம் சராசரி பண்ணை விலை கிலோ ரூ.50 முதல் ரூ.60 வரை இருக்கும் என கணிக்கப்பட்டுள்ளது. மேலும், கர்நாடகாவில் இருந்து வரும் வரத்தை பொறுத்து சின்ன வெங்காயத்தின் விலையில் மாற்றங்கள் இருக்கும்.

மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்