SUN குழுமத்திலிருந்து வெளிவரும் காலை நாளிதழ்

திருக்கோஷ்டியூரில் தெப்ப திருவிழாவிற்கு தண்ணீர் நிரப்பும் பணி தீவிரம்

1/24/2020 1:36:06 AM

திருப்புத்தூர், ஜன.24: திருக்கோஷ்டியூர் சௌமியநாராயணப் பெருமாள் கோயிலில் வரும் மார்ச் 9ம் தேதி மாசிமக தெப்பத்திருவிழா நடக்கிறது. ஆனால் தெப்பக்குளத்தில் தண்ணீர் குறைவாக உள்ளதால், ஆழ்குழாய்களின் மூலம் தண்ணீர் நிரப்பப்பட்டு வருகிறது. திருப்புத்தூர் அருகே திருக்கோஷ்டியூரில் பிரசித்தி பெற்ற 108 வைணவத் தலங்களில் முக்கியத்துவம் வாய்ந்த சௌமிய நாராயணப்பெருமாள் கோயில் உள்ளது. இக்கோயிலில் ஆண்டு தோறும் மாசி மகதெப்ப உற்சவம் விழா சிறப்பாக நடைபெறும். இந்த தெப்ப உற்சவத்திற்கு தமிழகம் முழுவதும் மட்டுமின்றி அருகில் உள்ள பல மாநிலங்களைச் சேர்ந்த ஆயிரக்கணக்கான பக்தர்கள் வருவார்கள். இதில் முக்கிய நிகழ்வாக கோயிலின் அருகே தி.வயிரவன்பட்டியில் உள்ள கோயில் குளமான ஜோசியர் தெப்பக்குளப் படிக்கட்டிலும், குளத்தை சுற்றிலும் பெண்கள் தீபம் ஏற்றி வழிபடுவார்கள்.

இதனால் தெப்பக்குளத்தில் உள்ள நீர் நாளுக்கு நாள் குறைந்துகொண்டே செல்கிறது. இந்தாண்டு மாசி தெப்ப உற்சவம் வரும் மார்ச் 9ம் தேதி நடைபெறவுள்ளது. இந்நிலையில் திருக்கோஷ்டியூர் ஊராட்சி தலைவர் சுப்பிரமணியன் ஏற்பாட்டில், மடக்குளம் கண்மாய் பகுதியில் ஆழ்குழாய் அமைத்து சுமார் 2 ஆயிரம் அடி தூரத்திற்கு பைப் குழாய் பதித்து நேற்று முதல் தெப்பக்குளத்திற்கு தண்ணீர் நிரப்பப்பட்டு வருகிறது. இதனால் தெப்ப திருவிழாவிற்குள் தெப்பக்குளத்தில் நீர்மட்டம் அதிகரிக்க தொடங்கும் என அப்பகுதியினர் தெரிவித்தனர்.

மேலும் செய்திகள்

Like Us on Facebook Dinkaran Daily News
  • drawing20

    அமெரிக்க அதிபர் டிரம்ப் வருகையை முன்னிட்டு ஆக்ராவில் கலைநயமிக்க சுவரோவியங்கள் வரையும் பணி தீவிரம்

  • 19-02-2020

    19-02-2020 இன்றைய சிறப்பு படங்கள்

  • award20

    விளையாட்டின் ஆஸ்கர் எனப்படும் லாரியஸ் விருதை கைப்பற்றிய சச்சின் டெண்டுல்கர்!!

  • tenish2020

    டென்னிஸ் புயலால் வெள்ளக்காடாகிய இங்கிலாந்து நகரங்கள்...மக்களின் இயல்பு வாழ்க்கை முடக்கம்

  • america20201

    இந்தியாவிற்கு வருகை புரியும் அமெரிக்க அதிபர் டிரம்ப் கண்ணில் படாமல் இருக்க சுவர் கட்டி மறைக்கப்படும் குஜராத் குடிசைப்பகுதி

படங்கள் வீடியோ கல்வி சினிமா ஜோ‌திட‌ம்