SUN குழுமத்திலிருந்து வெளிவரும் காலை நாளிதழ்

வீரசோழன் ஆற்றின் கரையோரம் டாஸ்மாக் கடை திறந்தால் முற்றுகை போராட்டம்

1/24/2020 12:41:59 AM

கும்பகோணம், ஜன. 24: திருவிடைமருதூர் வீரசோழன் ஆற்றின் கரையில் டாஸ்மாக் கடை திறந்தால் முற்றுகை போராட்டம் நடத்தப்படும் என்று பொதுமக்கள் தெரிவித்துள்ளனர். திருவிடைமருதூர் அணைக்குடியான சாலையில் வீரசோழன் ஆற்றின் கரையில் பழமையான மண்டபம் உள்ளது. இந்த மண்டபத்தில் திருவிடைமருதூர் மகாலிங்கசாமி கோயிலின் சுவாமிகள் தீர்த்தவாரிக்கு காவிரி ஆற்றுக்கு சென்றும், மேலமாரியம்மன் கோயில் அம்பாளும், வீரசோழன் ஆற்றின் கரையிலுள்ள மண்டபத்தில் இளைப்பாறுவது வழக்கம். எனவே இதன் அருகில் டாஸ்மாக் கடையை திறந்தால் குடிமகன்களின் கூடாரமாக மண்டபம் மாறிவிடும். மேலும் கல்லணை- பூம்புகார் சாலையில் இருந்து மயிலாடுதுறை சாலை வருவதற்கு பிரதான சாலையாக இருப்பதால் தினம்தோறும் ஆயிரத்துக்கும் மேற்பட்ட பள்ளி, கல்லூரி மாணவர்கள், பொதுமக்கள் சென்று வருகின்றனர். எனவே இந்த சாலையோரம் டாஸ்மாக் கடை திறந்தால் தினம்தோறும் பிரச்னைகள் உருவாகும்.

இதனால் அப்பகுதியில் டாஸ்மாக் கடையை திறக்ககூடாது என பக்தர்கள், பொதுமக்கள் கோரிக்கை விடுத்து வந்தனர். ஆனால் அப்பகுதியான வீரசோழன் ஆற்றின் கரையில் கடந்த சில ஆண்டுகளுக்கு முன் டாஸ்மாக் கடை திறப்பதற்கான பணிகள் துவங்கின. அப்போது அப்பகுதியில் கொலை மற்றும் கொள்ளை நடந்ததால் டாஸ்மாக் கடை திறப்பதற்கு மாவட்ட நிர்வாகம் தடை விதித்தது. இந்நிலையில் தற்போது வீரசோழன் ஆற்றின் கரையில் டாஸ்மாக் கடை திறப்பதற்காக கட்டுமான பணி மும்முரமாக துவங்கியுள்ளது. எனவே வீரசோழன் ஆற்றில் டாஸ்மாக் கடையை திறப்பதற்கு மாவட்ட நிர்வாகம் அனுமதி வழங்கக்கூடாது. மீறி கடையை திறந்தால் அப்பகுதி பொதுமக்கள், பக்தர்களை திரட்டி முற்றுகை போராட்டம் நடத்தப்படும் என்று மகாலிங்கசுவாமி பக்தர் மன்றம் மற்றும் அப்பகுதியினர் தெரிவித்துள்ளனர்.

மேலும் செய்திகள்

Like Us on Facebook Dinkaran Daily News
  • 23-02-2020

    23-02-2020 இன்றைய சிறப்பு படங்கள்

  • theepam2020

    மகாசிவராத்திரியை முன்னிட்டு தி.மலை கோவிலில் ஸ்ரீ லிங்கோத்பவருக்கு சிறப்பு அபிஷேகம்

  • 22-02-2020

    22-02-2020 இன்றைய சிறப்பு படங்கள்

  • UkraineCoronaProtest

    கொரோனாவால் பாதிக்கப்பட்டுள்ள சீனாவில் இருந்து மக்களை அழைத்து வந்ததற்கு எதிர்ப்பு: உக்ரைனில் வெடித்தது போராடடம்!

  • puthu2020

    அமெரிக்க அதிபர் ட்ரம்ப் தங்குவதற்காக டெல்லி மௌரியா ஹோட்டலில் ஆடம்பரமாகத் தயார் செய்யப்பட்டுள்ள பிரெசிடென்ட் சூட்!!

படங்கள் வீடியோ கல்வி சினிமா ஜோ‌திட‌ம்