SUN குழுமத்திலிருந்து வெளிவரும் காலை நாளிதழ்

பண்ருட்டி பேருந்து நிலையத்தில் அரசு டவுன் பஸ்கள் வராததால் மாணவர்கள், பொதுமக்கள் தவிப்பு

1/21/2020 12:06:28 AM

பண்ருட்டி, ஜன. 21: பண்ருட்டி பேருந்து நிலையத்தில் நேற்று அரசு டவுன் பஸ்கள் இயக்கப்படாததால் மாணவர்கள், பொதுமக்கள் தவிப்புக்கு ஆளானார்கள். இதையடுத்து தனியார் பேருந்துகளில் கூட்ட நெரிசலில் பயணம் செய்ய வேண்டிய நிலைக்கு தள்ளப்பட்டனர். இதனால் பரபரப்பு ஏற்பட்டது. பொங்கல் விடுமுறை மற்றும் அரசு விடுமுறை என மொத்தம் 8 நாட்கள் விடுமுறை விடப்பட்டது. விடுமுறை முடிந்து நேற்று பள்ளிகள் வழக்கம்போல் இயங்கின. மேலும் அரசு, தனியார் நிறுவன ஊழியர்கள், மாணவ, மாணவிகளும் நேற்று பண்ருட்டி பேருந்து நிலையத்துக்கு வந்தனர். இந்நிலையில் கடலூர் மாவட்டம் பண்ருட்டியில் இருந்து கடலூர் உள்ளிட்ட பல்வேறு இடங்களுக்கு அரசு பேருந்துகள் இயக்கப்படுகின்றன. இதில் கடலூர் செல்லும் அரசு டவுன் பஸ் எண் 17 தினமும் காலையில் புறப்படும். அதேபோல் பண்ருட்டியில் இருந்து விழுப்புரம் செல்லும் 2ம் எண் கொண்ட டவுன் பஸ்சும் காலையில் புறப்படும்.

நேற்று காலை பண்ருட்டி பேருந்து நிலையத்துக்கு 2 டவுன் பஸ்களும் வராததால் பொதுமக்கள் மற்றும் பள்ளி மாணவர்கள் அதிர்ச்சி அடைந்தனர். நீண்ட நேரமாக காத்திருந்தும் பேருந்துகள் வராததால் பஸ் நிலையத்தில் உள்ள நேரக்காப்பாளர் அறைக்கு சென்று புகார் அளித்தனர். அப்போது அங்கிருந்த அதிகாரி கூறுகையில், பொங்கல் விடுமுறை மற்றும் நேற்று முன்தினம் கண்டரக்கோட்டை மற்றும் பிடாகம் ஆகிய பகுதியில் ஆற்றுத் திருவிழாவுக்காக சிறப்பு பேருந்துகள் இயக்கப்பட்டதால் அந்த பேருந்துகளை இயக்கிய ஓட்டுனர்கள், நடத்துனர்கள் மீண்டும் பணிக்கு வரவில்லை. அதனால் பேருந்துகள் இயக்கவில்லை என்று கூறினார். இதனால் அதிர்ச்சியடைந்த பொதுமக்கள், மாணவ, மாணவிகள் வேறு வழியின்றி தனியார் பேருந்து மற்றும் ஆட்டோவில் ஏறி சென்றனர். அரசு டவுன் பஸ்கள் வராததால் பண்ருட்டி பஸ் நிலையத்தில் சிறிது நேரம் பரபரப்பு ஏற்பட்டது.

மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்