SUN குழுமத்திலிருந்து வெளிவரும் காலை நாளிதழ்

தேசிய அளவிலான வில்வித்தை போட்டி

1/20/2020 6:53:27 AM

ஈரோடு, ஜன. 20: ஈரோடு வ.உ.சி. விளையாட்டு மைதானத்தில் தமிழக முன்னாள் முதல்வர் ஜெயலலிதாவின் 71வது பிறந்தநாளையொட்டி ‘அம்மா நினைவு கோப்பை-2020’ என்ற பெயரில் தேசிய அளவிலான திறந்தநிலை வில்வித்தை சாம்பியன்ஷிப் போட்டி நேற்று நடந்தது. இப்போட்டிக்கு ஈரோடு மாவட்ட விளையாட்டு அதிகாரி சதீஸ்குமார் தலைமை தாங்கினார்.பள்ளிக்கல்வித்துறை மற்றும் விளையாட்டு துறை அமைச்சர் செங்கோட்டையன் போட்டியை துவக்கி வைத்தார்.
இப்போட்டியில் தமிழ்நாடு, கேரளா, புதுச்சேரி, ஆந்திரா ஆகிய 4 மாநிலங்களை சேர்ந்த மாணவ-மாணவிகள் கலந்துகொண்டனர். இதில் 6, 8, 10, 12, 14, 17, 20 ஆகிய வயதுக்குட்பட்டவர்கள், 20 வயது மற்றும் அதற்கு மேற்பட்டவர்கள் என 8 பிரிவுகளில் போட்டி நடத்தப்பட்டது. சுமார் 350 மாணவ-மாணவிகள் போட்டியில் கலந்துகொண்டு தங்களது திறமைகளை வெளிகாட்டினர். இதில் முன்னதாக போட்டியை துவக்கி வைத்து அமைச்சர் செங்கோட்டையன் பேசியதாவது: வில்வித்தை போட்டியில் இந்தியாவிலேயே வரலாறு படைக்கும் மாநிலமாக தமிழகம் விளங்குகிறது. பழைய காலத்தில் வேட்டையாடுவதற்காக வில் பயன்படுத்தப்பட்டது. அதன்பிறகு போர் களத்தில் பயன்பட்டது.

தற்போது அதை ஒரு விளையாட்டாக பின்பற்றப்படுகிறது. தமிழகத்தில் முதல்வராக ஜெயலலிதா விளையாட்டு துறையை மேம்படுத்த பல்வேறு திட்டங்களை கொண்டு வந்தார்.  முதல்வர் எடப்பாடி பழனிசாமியும் விளையாட்டுக்கு முக்கியத்துவம் கொடுத்து வருகிறார். 12 ஆயிரத்து 524 ஊராட்சிகள், 528 பேரூராட்சிகளில் இளைஞர்களின் திறனை வெளிப்படுத்த பயிற்சி அளிப்பதற்காக ரூ.74 கோடியே 76 லட்சம் நிதி ஒதுக்கப்பட்டு உள்ளது. இவ்வாறு செங்கோட்டையன் பேசினார்.

மேலும் செய்திகள்

Like Us on Facebook Dinkaran Daily News
  • award20

    பஞ்சாபைச் சேர்ந்த சன்னி இந்துஸ்தானி இனிமையான குரல் ஆடிஷனில் இந்தியன் ஐடல் 11ஐ வென்றார்!!

  • 24-02-2020

    24-02-2020 இன்றைய சிறப்பு படங்கள்

  • 23-02-2020

    23-02-2020 இன்றைய சிறப்பு படங்கள்

  • theepam2020

    மகாசிவராத்திரியை முன்னிட்டு தி.மலை கோவிலில் ஸ்ரீ லிங்கோத்பவருக்கு சிறப்பு அபிஷேகம்

  • 22-02-2020

    22-02-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்