SUN குழுமத்திலிருந்து வெளிவரும் காலை நாளிதழ்

பெரியாரை அவதூறாகப் பேசிய நடிகர் ரஜினிகாந்த் மீது நடவடிக்கை கோரி புகார்

1/20/2020 6:53:17 AM

பவானி, ஜன. 20: பெரியாரை அவதூறாகப் பேசிய நடிகர் ரஜினிகாந்த் மீது நடவடிக்கை கோரி திராவிடர் கழக கூட்டமைப்பினர் அம்மாபேட்டை போலீசில் புகார் அளித்தனர்.கடந்த 14ம் தேதி சென்னையில் நடந்த பத்திரிகை ஆண்டு விழாவில் பேசிய ரஜினிகாந்த், 1971ம் ஆண்டு சேலத்தில் தந்தை பெரியார் நடத்திய பேரணியில் நடைபெற்ற உண்மைச் சம்பவங்களை மறைத்து, உண்மைக்கு மாறான பொய்யான தகவலை பரப்பி தந்தை பெரியாரின் நற்பெயருக்கு களங்கம் ஏற்படுத்த வேண்டும் என்ற உள்நோக்கத்தோடு ரஜினி பேசியுள்ளார். மேலும், வதந்தியை பரப்பி பொது அமைதியை சீர்குலைக்கும் வகையில் செயல்பட்ட நடிகர் ரஜினிகாந்த் மீது நடவடிக்கை எடுக்க வேண்டும் என திராவிடர் விடுதலை கழகத்தின் ஈரோடு வடக்கு மாவட்டத் தலைவர் நாத்திகஜோதி அம்மாப்பேட்டை போலீசில் நேற்று புகார் அளித்தார்.

உடன், திராவிடர் கழக ஈரோடு மண்டல அமைப்புச் செயலாளர் பிரகலாதன், தமிழ்புலிகள் கட்சி மாவட்ட செயலாளர் வேங்கை பொன்னுசாமி, கொள்கை பரப்பு செயலாளர் செம்பன், திராவிடர் விடுதலை கழக வடக்கு மாவட்டச் செயலாளர் வேணுகோபால், திராவிடர் கழக அம்மாப்பேட்டை ஒன்றிய செயலாளர் மணிகண்டன் உள்ளிட்ட நிர்வாகிகள் இருந்தனர்.

மேலும் செய்திகள்

Like Us on Facebook Dinkaran Daily News
  • 17-02-2020

    17-02-2020 இன்றைய சிறப்பு படங்கள்

  • 16-02-2020

    16-02-2020 இன்றைய சிறப்பு படங்கள்

  • 15-02-2020

    15-02-2020 இன்றைய சிறப்பு படங்கள்

  • attack20

    புல்வாமா தியாகிகளின் முதலாமாண்டு நினைவு தினம்: "இந்தியா ஒருபோதும் மறக்காது" பிரதமர் மோடி உருக்கம்.

  • puthudelhi20

    புது டெல்லியில் 20 வது 'ஹுனார் ஹாத்' திறப்பு விழா: மத்திய ரயில்வே அமைச்சர் பியூஷ் கோயல், அமைச்சர் முக்தார் அப்பாஸ் நக்வி ஆகியோர் பங்கேற்பு

படங்கள் வீடியோ கல்வி சினிமா ஜோ‌திட‌ம்