SUN குழுமத்திலிருந்து வெளிவரும் காலை நாளிதழ்

திருவண்ணாமலை மாவட்டத்தில் 4 நாட்கள் நடந்த வாக்காளர் பட்டியலில் பெயர் சேர்க்கும் முகாம் 46 ஆயிரம் பேர் விண்ணப்பம்

1/14/2020 7:37:41 AM

திருவண்ணாமலை, ஜன.14: திருவண்ணாமலை மாவட்டத்தில் கடந்த 4 நாட்கள் நடைபெற்ற வாக்காளர் பட்டியலில் பெயர் சேர்க்கும் முகாமில் 46 ஆயிரம் பேர் விண்ணப்பம் அளித்துள்ளதாக தேர்தல் அதிகாரிகள் தெரிவித்தனர். தமிழகத்தில் தற்போது வெளியிடப்பட்ட வரைவு வாக்காளர் பட்டியலின்படி 6 கோடியே ஆயிரத்து 329 வாக்காளர்கள் உள்ளனர். மேலும், புதிய வாக்காளர்களை சேர்த்தும், திருத்தங்களை மேற்கொண்டும் இறுதி வாக்காளர்கள் பட்டியல் வெளியிடப்பட உள்ளது. அதன்படி வாக்காளர் பட்டியலில் பெயர் சேர்க்க, திருத்தம் செய்ய கடந்த 4,5,11,12 ஆகிய 4 நாட்கள் தமிழகம் முழுவதும் சிறப்பு முகாம்கள் நடைபெற்றது. இந்த சிறப்பு முகாம்களில் 18 வயது பூர்த்தியடைந்த புதிய வாக்காளர்கள் பலர் பெயர் சேர்ப்பதற்காக விண்ணப்பித்து இருக்கிறார்கள்.

அதில் 4 நாட்கள் தமிழகம் முழுவதும் நடத்தப்பட்ட சிறப்பு முகாம்களில் 11 லட்சத்து 87 ஆயிரத்து 10 பேர் வாக்காளர் பட்டியலில் பெயர் சேர்க்க விண்ணப்பித்து இருக்கிறார்கள். இதுதவிர வாக்காளர் பட்டியலில் பெயர் திருத்தம், முகவரி மாற்றம் உள்ளிட்ட சில காரணங்களுக்காக 2 லட்சத்து 86 ஆயிரத்து 360 பேர் விண்ணப்பித்துள்ளனர். மொத்தம் கடந்த 4 நாட்களில் 14 லட்சத்து 73 ஆயிரத்து 370 பேர் வாக்காளர் பட்டியலில் புதிதாக பெயர் சேர்க்கவும், ஏற்கனவே உள்ள திருத்தங்களை சரி செய்யவும் விண்ணப்பித்து இருக்கிறார்கள். திருவண்ணாமலை மாவட்டத்தில் கடந்த 4 நாட்கள் நடைபெற்ற சிறப்பு முகாமில் 46 ஆயிரத்து 363 பேர் வாக்காளர் பட்டியலில் பெயர் சேர்க்க, பெயர் திருத்தம், முகவரி மாற்றங்களுக்காக விண்ணப்பித்து இருக்கிறார்கள் என திருவண்ணாமலை தேர்தல் அதிகாரிகள் தெரிவித்தனர்.

மேலும் செய்திகள்

Like Us on Facebook Dinkaran Daily News
  • drawing20

    அமெரிக்க அதிபர் டிரம்ப் வருகையை முன்னிட்டு ஆக்ராவில் கலைநயமிக்க சுவரோவியங்கள் வரையும் பணி தீவிரம்

  • 19-02-2020

    19-02-2020 இன்றைய சிறப்பு படங்கள்

  • award20

    விளையாட்டின் ஆஸ்கர் எனப்படும் லாரியஸ் விருதை கைப்பற்றிய சச்சின் டெண்டுல்கர்!!

  • tenish2020

    டென்னிஸ் புயலால் வெள்ளக்காடாகிய இங்கிலாந்து நகரங்கள்...மக்களின் இயல்பு வாழ்க்கை முடக்கம்

  • america20201

    இந்தியாவிற்கு வருகை புரியும் அமெரிக்க அதிபர் டிரம்ப் கண்ணில் படாமல் இருக்க சுவர் கட்டி மறைக்கப்படும் குஜராத் குடிசைப்பகுதி

படங்கள் வீடியோ கல்வி சினிமா ஜோ‌திட‌ம்