SUN குழுமத்திலிருந்து வெளிவரும் காலை நாளிதழ்

பிஎஸ்என்எல் சேவை துண்டிப்பு

1/14/2020 7:08:29 AM

மூணாறு, ஜன.14: முக்கிய சுற்றுலாத்தலமான மூணாறில் பி.எஸ்.என்.எல் தொலைத்தொடர்பு சேவை துண்டிக்கப்பட்டதன் காரணமாக சுற்றுலா பயணிகள் தோட்டத் தொழிலாளர்கள் அவதியடைந்தனர்.
தென்னகத்து காஷ்மீர் என்று அறியப்படும் மூணாறில் பொங்கல் விடுமுறைகளை முன்னிட்டு சுற்றுலா பயணிகள் வருகை அதிகரித்துள்ளது. இந்நிலையில் மூணாறில் பி.எஸ்.என்.எல் தொலைத்தொடர்பு வசதி நேற்று காலை முதல் துண்டிக்கப்பட்டுள்ளது. அடிமாலி, மறையூர், தேவிகுளம், எல்லப்பட்டி, வட்டவடை பகுதிகளில் தொடர்பு துண்டிக்கப்பட்டுள்ளது. தொலைத்தொடர்பு வசதிகள் இல்லாமல் பொதுமக்கள் மற்றும் சுற்றுலா பயணிகள் அவதிப்பட்டு வருகின்றனர். மூணாறு மற்றும் எஸ்டேட் பகுதிகளில் பி.எஸ்.என்.எல் சேவை முக்கிய பங்கு வகிக்கிறது. இங்கு 500க்கும் மேற்பட்ட கோபுரங்கள் உள்ள நிலையில் சேவை துண்டிக்கப்பட்டதன் காரணமாக தொழிலாளர்கள் பரிதவித்து வருகின்றனர். இதர தனியார் தொலைத்தொடர்பு வசதிகள் மூணாறில் இருந்தும் அதிகமான தோட்டத்தொழிலாளர்கள் மற்றும் சுற்றுலா பயணிகள் பயன்படுத்துவது பி.எஸ்.என்.எல் சேவை என்பது குறிப்பிடத்தக்கது. எனவே மீண்டும் சேவை தடையின்றி கிடைக்க நடவடிக்கை எடுக்க வேண்டும் என மக்கள் வலியுறுத்தி உள்ளனர்.

மேலும் செய்திகள்

Like Us on Facebook Dinkaran Daily News
  • 18-02-2020

    18-02-2020 இன்றைய சிறப்பு படங்கள்

  • chennai20

    சென்னையில் இஸ்லாமியர்கள் சிஏஏ-க்கு எதிராக தொடர்ந்து 4 வது நாளாக போராட்டம்: போலீசார் நடத்திய தடியடியை கண்டித்து தமிழகம் முழுவதும் ஆர்ப்பாட்டம்...

  • modi20

    வாரணாசியில் பாரதிய ஜனசங்க முன்னாள் தலைவர் தீன்தயாள் உபாத்யாயாவின் 63 அடி சிலையை பிரதமர் மோடி திறந்து வைத்தார்

  • hospital20

    ஹைலோங்ஜியாங்கில் COVID-19 நோயாளிகளுக்கு சிகிச்சையளிப்பதற்காக நியமிக்கப்பட்ட மருத்துவமனையின் புதுப்பித்தல் பணிகள் முடிவு

  • kaasi sivan20

    காசி-மஹாகல் எக்ஸ்பிரஸ் ரயிலில் சிவபெருமானுக்கு சிறு கோயில்: மூன்று ஜோதி லிங்க கோயில்களை இணைக்கும் ரயில் சேவையை பிரதமர் மோடி தொடங்கி வைத்தார்

படங்கள் வீடியோ கல்வி சினிமா ஜோ‌திட‌ம்