SUN குழுமத்திலிருந்து வெளிவரும் காலை நாளிதழ்

கெங்கவல்லி அருகே மலைகிராமத்தில் சாலை அமைக்க நிலம் அளவீடு

12/13/2019 7:01:33 AM

கெங்கவல்லி, டிச.13: கெங்கவல்லி அருகே மலைகிராமத்தில் 4 கி.மீ தூரத்திற்கு சாலை அமைப்பதற்காக அதிகாரிகள் நிலத்தை அளவீடு செய்தனர்.  கெங்கவல்லி ஊராட்சி ஒன்றியம் பச்சைமலை ஊராட்சியில் எடப்பாடி, மேல்பாலத்தான்கரை, கீழ் பாலத்தான்கரை, கட்டக்காடு உள்ளிட்ட கிராமங்களில் 200க்கும் மேற்பட்ட குடும்பத்தினர் வசித்து வருகின்றனர். வலசக்கல்பட்டியிலிருந்து இந்த கிராமங்களுக்கு செல்ல 4 கி.மீ தூரம் மலைப்பகுதியில் கரடுமுரடான பாதையில் மட்டுமே பயணிக்க முடியும். கெங்கவல்லி, கூடமலையில் உள்ள அரசு பள்ளி மாணவ- மாணவிகள் நாள்தோறும் 4 கி.மீ தூரம் நடந்து வந்து பள்ளிக்கு செல்கின்றனர். மேலும், எடப்பாடி மற்றும் சுற்றியுள்ள கிராம மக்கள் கர்ப்பிணி பெண்கள், முதியவர்கள் மற்றும் குழந்தைகள் மருத்துவமனைக்கு அழைத்துச் செல்ல வேண்டுமென்றால், தூளி கட்டி தூக்கி சென்று, தார் சாலையை அடைந்து அங்கிருந்து பஸ், வேன், லாரி மூலம் 9 கி.மீ தூரமுள்ள கெங்கவல்லி அரசு மருத்துவமனைக்கு செல்கின்றனர். இப்பகுதியில் சாலை மற்றும் மருத்துவமனை வசதி இல்லாததால், பொதுமக்கள் கடும் அவதியடைந்து வருகின்றனர்.

இதுகுறித்து தினகரன் நாளிதழில் கடந்த 9ம் தேதி செய்தி வெளியிடப்பட்டது. இதையடுத்து, சேலம் கலெக்டர் ராமன் உத்தரவின் பேரில் கெங்கவல்லி ஊராட்சி ஒன்றிய கிராம ஊராட்சி கூடுதல் ஆணையாளர் செல்வம், கெங்கவல்லி ஊராட்சி ஒன்றிய உதவி பொறியாளர் ஆறுமுகம், ஊராட்சி சாலை ஆய்வாளர் மதியழகன் ஆகியோர் வலசக்கல்பட்டி, எடப்பாடி கிராமத்துக்கு சென்று 4 கி.மீ தூரத்திற்கு தார் சாலை அமைப்பதற்கான நிலத்தை அளவீடு செய்தனர்.  இதுகுறித்து அப்பகுதி மக்கள் கூறுகையில், இந்த 4 கி.மீ சாலை பல ஆண்டுகளாக ஒரு வழிப்பாதையாக பயன்படுத்தி வந்தோம். சில ஆண்டுகளுக்கு முன் வனத்துறை அதிகாரிகளிடம்  முறையிட்டு தற்போது 9 அடி மண் சாலையாக பயன்படுத்தி வருகிறோம். இந்த மண் சாலையை தார் சாலையாக அமைத்து கொடுக்க அதிகாரிகள் உடனடியாக நடவடிக்கை எடுக்க வேண்டும் என்றனர்.

மேலும் செய்திகள்

Like Us on Facebook Dinkaran Daily News
  • 24-01-2020

    24-01-2020 இன்றைய சிறப்பு படங்கள்

  • koalaa_ausiiee

    ஆஸ்திரேலியாவில் தீ காயங்களுடன் எண்ணற்ற கோலா கரடிகள் மீட்பு : குழந்தை போல் கையாளப்பட்டு சிகிச்சை அளிப்பு

  • nasaa_spaacee1

    விண்வெளியில் நடந்தபடியே சர்வதேச விண்வெளி மையத்தில் பேட்டரியை மாற்றி நாசா வீராங்கனைகள் சாதனை

  • aussie_nidhii11

    தீயணைப்பு வீரர்களுக்கு நிதி திரட்டுவதற்காக, கால்பந்து மைதானத்தை விட நீளமான பிரம்மாண்ட பீட்சா தயாரிப்பு : ஆஸ்திரேலியாவில் ருசிகரம்

  • isro_spaacc11

    ககன்யான் திட்டத்தில் விண்வெளிக்கு அனுப்பப்படும் பெண் ரோபோ வியோ மித்ராவை அறிமுகம் செய்தது இஸ்ரோ

படங்கள் வீடியோ கல்வி சினிமா ஜோ‌திட‌ம்