SUN குழுமத்திலிருந்து வெளிவரும் காலை நாளிதழ்

திண்டுக்கல், பழநியில் இருந்து சபரிமலை மண்டல பூஜைக்கு சிறப்பு பேருந்து

12/13/2019 1:55:18 AM

திண்டுக்கல், டிச. 13: திண்டுக்கல், பழநியில் இருந்து சபரிமலை மண்டல பூஜை, மகர விளக்கு பூஜைக்கு சிறப்பு பேருந்துகள் இயக்கப்படவுள்ளன. சபரிமலையில் வரும் டிச.27ல்  ஐயப்பன் மண்டல பூஜையும், ஜன.15ல் மகரவிளக்கு பூஜையும் நடைபெறவுள்ளது. திண்டுக்கல், பழநி, திருச்சி, மதுரை ஆகிய இடங்களிலிருந்தும், அவற்றினை சார்ந்த பகுதிகளிலிருந்தும் சபரிமலைக்கு செல்லும் பக்தர்களின் எண்ணிக்கை நாளுக்கு நாள் அதிகரித்து வருகிறது. இதையொட்டி வரும் டிச.15ம் தேதி முதல் ஜன.16ம் தேதி வரை இப்போக்குவரத்து கழகத்தின் மூலம் மேற்கண்ட ஊர்களில் இருந்து குமுளிக்கு தேவைக்கு ஏற்ப சிறப்பு பேருந்துகள் இயக்க விரிவான ஏற்பாடுகள் செய்யப்பட்டுள்ளது.

மேலும், குமுளியிலிருந்து சபரிமலைக்கு செல்ல இணைப்பு பேருந்துகள் அதிக அளவில் கேரள மாநில போக்குவரத்து கழகம் ஏற்பாடு செய்துள்ளது. இதேபோல் டிச.27ம் தேதி மண்டல பூஜையின் போது சுமார் 100 பேருந்துகளும், ஜன.15ம் தேதி மகர விளக்கு பூஜையின் போது தேவைக்கேற்ப மேலும் அதிக அளவு பேருந்துகளும் மேற்குறிப்பிட்ட இடங்களிலிருந்து இக்கழகத்தின் மூலம் இயக்க ஏற்பாடு செய்யப்பட்டுள்ளது. சபரிமலை செல்லும் பக்தர்களின் பாதுகாப்பான பயணத்திற்காக குமுளி, திண்டுக்கல், பழநி, திருச்சி, மதுரை ஆகிய பேருந்து நிலையங்களில் பக்தர்களுக்கு உதவவும், வழிகாட்டவும் அலுவலர்கள் நியமனம் செய்யப்பட்டுள்ளனர். குமுளியில் மேற்குறிப்பிட்ட திண்டுக்கல், பழநி, திருச்சி, மதுரை ஆகிய இடங்களுக்கு செல்ல முன்பதிவு வசதி செய்யப்பட்டுள்ளது என தமிழ்நாடு அரசு போக்குவரத்துக் கழகம் (மதுரை) லிட் நிர்வாக இயக்குநர் முருகேசன் தெரிவித்துள்ளார்.

மேலும் செய்திகள்

Like Us on Facebook Dinkaran Daily News
  • 26-01-2020

    26-01-2020 இன்றைய சிறப்பு படங்கள்

  • 25-01-2020

    25-01-2020 இன்றைய சிறப்பு படங்கள்

  • gggg20

    ஸ்பெயின் நாட்டை தாக்கிய குளோரியா புயல்: 144 கி.மீ வேகத்தில் காற்று வீச்சு; 44 அடி உயரத்திற்கு கடல் அலைகள் எழும்பியன

  • QuarantineWuhan24

    சீனாவை ஆட்டிப்படைக்கும் கொரோனா வைரஸ் தொற்றால் மொத்தமாக மூடப்பட்டுள்ள வூஹான் நகரம்..: பொதுமக்கள் பரிதவிப்பு!

  • rp23

    நாடு முழுவதும் முழுவீச்சில் நடைபெற்று வரும் குடியரசு தினவிழா ஒத்திகை நிகழ்ச்சியின் கண்கவர் படங்கள்

படங்கள் வீடியோ கல்வி சினிமா ஜோ‌திட‌ம்