SUN குழுமத்திலிருந்து வெளிவரும் காலை நாளிதழ்

காந்தலவாடி கிராமமக்கள் ஆட்சியர் அலுவலகத்தை முற்றுகையிட முயற்சி

12/13/2019 12:05:58 AM

விழுப்புரம்,  டிச. 13: விழுப்புரம் மாவட்டம் திருவெண்ணைநல்லூர் அருகே உள்ள காந்தலவாடி  கிராமத்தை சேர்ந்த பொதுமக்கள் நேற்று விழுப்புரத்தில் ஆட்சியர் அலுவலகத்தை  முற்றுகையிடுவதற்காக சென்றனர். தகவலறிந்த டிஎஸ்பி சங்கர் தலைமையிலான  போலீசார் பெருந்திட்டவளாகம் அருகே தடுத்து நிறுத்தி விசாரணை நடத்தினர். அப்போது, எங்கள் கிராமத்தை கள்ளக்குறிச்சி மாவட்டத்தோடு இணைக்க நடவடிக்கை  எடுத்து வருவதாகவும், அதனை தடுக்கக் கோரி ஆட்சியர் அலுவலகத்தை  முற்றுகையிடப் போவதாகவும் தெரிவித்தனர். பின்னர் போலீசார்  அறிவுறுத்தலின்பேரில், ஆட்சியரிடம் நேரில் சென்று கோரிக்கை மனு அளித்தனர்.  அதில் கூறியிருப்பதாவது:

விழுப்புரம் மாவட்டத்தை பிரித்து புதிதாக கள்ளக்குறிச்சி மாவட்டம் தொடங்கப்பட்டுள்ளது. எங்கள் கிராம ஊராட்சி புதிதாக  உருவாக்கப்பட்ட திருவெண்ணைநல்லூர் தாலுகாவோடு இணைத்து விழுப்புரம்  மாவட்டத்தோடு வசித்து வருகிறோம். இந்நிலையில் எங்கள் கிராமத்தை கள்ளக்குறிச்சி மாவட்டத்துடன் இணைக்க போவதாக தகவல் வந்துள்ளது. திருவெண்ணைநல்லூர் ஒன்றியம்,  அரசூர்குறுவட்டத்தில் எங்கள் கிராமம் உள்ளது.
எங்களுடைய தாய் கிராமமாக  கருவேப்பிலைப்பாளையம் உள்ளது. இந்த கிராமத்தில் உள்ளவர்கள் மற்றும்  சிரத்தனூர், கருவேப்பிலைபாளையம் ஆகிய இரண்டையும் சேர்த்து தனி ஊராட்சியாக  வேண்டும் என்று கோரிக்கை வைத்து வருகின்றனர். தமிழக அரசு ஏற்கனவே அறிவித்தபடி  எங்கள் கிராமம் திருவெண்ணைநல்லூர் தாலுகாவோடு, விழுப்புரம் மாவட்டத்திலேயே  செயல்பட வேண்டும். இவ்வாறு அதில் கூறப்பட்டுள்ளது.

மேலும் செய்திகள்

Like Us on Facebook Dinkaran Daily News
  • 26-01-2020

    26-01-2020 இன்றைய சிறப்பு படங்கள்

  • 25-01-2020

    25-01-2020 இன்றைய சிறப்பு படங்கள்

  • gggg20

    ஸ்பெயின் நாட்டை தாக்கிய குளோரியா புயல்: 144 கி.மீ வேகத்தில் காற்று வீச்சு; 44 அடி உயரத்திற்கு கடல் அலைகள் எழும்பியன

  • QuarantineWuhan24

    சீனாவை ஆட்டிப்படைக்கும் கொரோனா வைரஸ் தொற்றால் மொத்தமாக மூடப்பட்டுள்ள வூஹான் நகரம்..: பொதுமக்கள் பரிதவிப்பு!

  • rp23

    நாடு முழுவதும் முழுவீச்சில் நடைபெற்று வரும் குடியரசு தினவிழா ஒத்திகை நிகழ்ச்சியின் கண்கவர் படங்கள்

படங்கள் வீடியோ கல்வி சினிமா ஜோ‌திட‌ம்