SUN குழுமத்திலிருந்து வெளிவரும் காலை நாளிதழ்

உள்ளாட்சி தேர்தலுக்கு 2வது நாளில் 72பேர் வேட்புமனு தாக்கல்

12/11/2019 2:14:35 AM

தர்மபுரி, டிச.11: தர்மபுரி மாவட்டத்தில் உள்ளாட்சி தேர்தலுக்கு 2வது நாளில் விறுவிறுப்பாக, 72 பேர் வேட்புமனு தாக்கல் செய்துள்ளனர். தமிழகத்தில் உள்ளாட்சி தேர்தல் வரும் 27ம் தேதி மற்றும் 30ம் தேதி என இரண்டு கட்டங்களாக நடக்கிறது. தர்மபுரி மாவட்டத்தில் ஒரு நகராட்சியும், 10 பேரூராட்சிகளும், ஊராட்சி ஒன்றியம் 10ம், கிராம ஊராட்சிகள் 251 உள்ளன. தர்மபுரி நகராட்சியில் 33 உறுப்பினர்களும், 10 ஊராட்சி ஒன்றியங்களிலிருந்து, 18 மாவட்ட ஊராட்சி குழு உறுப்பினர்கள் பதவியும், 10 ஊராட்சி ஒன்றியங்களில் 188 வார்டு உறுப்பினர்கள் பதவியும், 10 பேரூராட்சிகளில் 159 வார்டுகளுக்கும், 251 கிராம ஊராட்சி வார்டுகளில் இருந்து 2,343 உறுப்பினர்கள் தேர்வு செய்யப்பட உள்ளது.  தர்மபுரி மாவட்டத்தில், வேட்பு மனு தாக்கல் நேற்று முன்தினம் தொடங்கியது. முதல்நாளில் மொத்தம் 107 பேர் வேட்பு மனு தாக்கல் செய்தனர். 2வது நாளான நேற்று தர்மபுரி ஒன்றியத்திற்குட்பட்ட உங்கரானஅள்ளி ஊராட்சி மன்ற தலைவர் பதவிக்கு சுயேச்சையாக ரமேஷ் என்பவர் மனு தாக்கல் செய்தார். நேற்று மாவட்டத்தில் ஊராட்சி ஒன்றிய உறுப்பினர் பதவிக்கு 4பேரும், ஊராட்சி மன்ற தலைவர் பதவிக்கு 5 பேரும், கிராம ஊராட்சிகளில் வார்டு உறுப்பினர் பதவிக்கு 63 பேரும் என 72 பேர் மனு தாக்கல் செய்தனர்.  இதன்படி நேற்று வரை  ஊராட்சி ஒன்றிய வார்டு உறுப்பினருக்கு 6 பேரும், ஊராட்சி மன்ற தலைவர் பதவிக்கு 11 பேரும், ஊராட்சி வார்டு உறுப்பினர் பதவிக்கு 162 பேருமாக, இதுவரை 179 பேர் மனுத்தாக்கல் செய்துள்ளனர்.


மேலும் செய்திகள்

Like Us on Facebook Dinkaran Daily News
  • 24-01-2020

    24-01-2020 இன்றைய சிறப்பு படங்கள்

  • koalaa_ausiiee

    ஆஸ்திரேலியாவில் தீ காயங்களுடன் எண்ணற்ற கோலா கரடிகள் மீட்பு : குழந்தை போல் கையாளப்பட்டு சிகிச்சை அளிப்பு

  • nasaa_spaacee1

    விண்வெளியில் நடந்தபடியே சர்வதேச விண்வெளி மையத்தில் பேட்டரியை மாற்றி நாசா வீராங்கனைகள் சாதனை

  • aussie_nidhii11

    தீயணைப்பு வீரர்களுக்கு நிதி திரட்டுவதற்காக, கால்பந்து மைதானத்தை விட நீளமான பிரம்மாண்ட பீட்சா தயாரிப்பு : ஆஸ்திரேலியாவில் ருசிகரம்

  • isro_spaacc11

    ககன்யான் திட்டத்தில் விண்வெளிக்கு அனுப்பப்படும் பெண் ரோபோ வியோ மித்ராவை அறிமுகம் செய்தது இஸ்ரோ

படங்கள் வீடியோ கல்வி சினிமா ஜோ‌திட‌ம்