SUN குழுமத்திலிருந்து வெளிவரும் காலை நாளிதழ்

காரிமங்கலம் மலைக்கோயிலில் கார்த்திகை தீப விழா

12/11/2019 2:14:21 AM

காரிமங்கலம், டிச.11:காரிமங்கலம் மலைக்கோயிலில் நடந்த கார்த்திகை தீப திருவிழாவில், திரளான பக்தர்கள் கலந்து கொண்டனர். காரிமங்கலம் அருணேசுவரர் கோயிலில் கார்த்திகை தீப திருவிழா நேற்று நடந்தது. இதையொட்டி, அதிகாலை 4 மணிக்கு, சுவாமிக்கு சிறப்பு அபிஷேகம், அலங்காரம், பூஜைகள்  நடந்தது. தொடர்ந்து 5 மணிக்கு பரணி தீபம் ஏற்றப்பட்டது. மாலை 6 மணிக்கு, மலை உச்சியில் அண்ணாமலையார் தீபம் என்னும் மகாதீபம் ஏற்றப்பட்டது. இதனைத்தொடர்ந்து பக்தர்களுக்கு பிரசாதம் வழங்கப்பட்டது. மேலும், இந்த மலைக்கோயிலுக்கு அருகே புதிதாக கும்பாபிஷேகம் செய்யப்பட்ட ஸ்ரீ குபேரலிங்கம், மற்றும் ஸ்ரீ ஆகாசலிங்கம் கோயில்களிலும் கார்த்திகை தீபத்தையொட்டி சிறப்பு அபிஷேகம், அலங்காரம், பூஜைகள் நடத்தப்பட்டு பிரசாதமும் வழங்கப்பட்டது. நிகழ்ச்சியில் சுற்றுவட்டார பகுதியைச் சேர்ந்த திரளான பக்தர்கள் கலந்துகொண்டு, சுவாமி தரிசனம் செய்தனர். இந்த கார்த்திகை தீபத் திருவிழாவை முன்னிட்டு மலைக்கோயில் அடிவாரத்தில் அமைந்துள்ள, வள்ளலார் குடில் சார்பாக பக்தர்களுக்கு அன்னதானம் வழங்கப்பட்டது.

மேலும் செய்திகள்

Like Us on Facebook Dinkaran Daily News
  • 26-01-2020

    26-01-2020 இன்றைய சிறப்பு படங்கள்

  • 25-01-2020

    25-01-2020 இன்றைய சிறப்பு படங்கள்

  • gggg20

    ஸ்பெயின் நாட்டை தாக்கிய குளோரியா புயல்: 144 கி.மீ வேகத்தில் காற்று வீச்சு; 44 அடி உயரத்திற்கு கடல் அலைகள் எழும்பியன

  • QuarantineWuhan24

    சீனாவை ஆட்டிப்படைக்கும் கொரோனா வைரஸ் தொற்றால் மொத்தமாக மூடப்பட்டுள்ள வூஹான் நகரம்..: பொதுமக்கள் பரிதவிப்பு!

  • rp23

    நாடு முழுவதும் முழுவீச்சில் நடைபெற்று வரும் குடியரசு தினவிழா ஒத்திகை நிகழ்ச்சியின் கண்கவர் படங்கள்

படங்கள் வீடியோ கல்வி சினிமா ஜோ‌திட‌ம்