SUN குழுமத்திலிருந்து வெளிவரும் காலை நாளிதழ்

கார்த்திகை தீபத்திருவிழாவையொட்டி இன்று முதல் 3 நாட்களுக்கு ஐயங்குளத்தில் தெப்பல் உற்சவம்

12/11/2019 12:29:48 AM

திருவண்ணாமலை, டிச.11: திருவண்ணாமலை கார்த்திகை தீபத்திருவிழா உற்சவத்தின் நிறைவாக, இன்று முதல் 3 நாட்களுக்கு ஐயங்குளத்தில் தெப்பல் உற்சவம் நடைபெறுகிறது. அண்ணாமலையார் கோயில் கார்த்திகை தீபத்திருவிழா கடந்த 1ம் தேதி முதல் நடந்து வருகிறது. விழாவின் 10ம் நாளான நேற்று, மகாதீபத்துடன் 10 நாட்கள் உற்சவம் நிறைவடைந்தது. அதையொட்டி, கடந்த 10 நாட்களாக தினமும் மாடவீதியில் சுவாமி வலம் வந்து பக்தர்களுக்கு அருள்பாலித்தார். மேலும், வாணவேடிக்கை, கலை நிகழ்ச்சி, சமய சொற்பொழிவு என திருவண்ணாமலை நகரமே விழாக்கோலமாக காட்சியளித்தது. மகா தீபத்தை தொடர்ந்து பவுர்ணமி கிரிவலம் செல்ல உகந்த நேரம் அமைந்திருப்பதால், திருவண்ணாமலையில் பக்தர்கள் கூட்டம் குறையவில்லை. இந்நிலையில், தீபத்திருவிழாவின் நிறைவாக இன்று முதல் மூன்று நாட்கள் ஐயங்குளத்தில் தெப்பல் உற்சவம் நடைபெறுகிறது. அதன்படி, முதல் நாளான இன்று இரவு 9 மணியளவில் ஐயங்குளத்தில் அலங்கார ரூபத்தில் சந்திரசேகரர் தெப்பலில் பவனி வந்து அருள்பாலிக்கிறார். தொடர்ந்து, நாளை (12ம் தேதி) இரவு 9 மணி அளவில், பராசக்தி அம்மன் தெப்பல் உற்சவமும், 13ம் தேதி இரவு சுப்பிரமணியர் தெப்பல் உற்சவமும் நடைபெறும்.

மேலும் செய்திகள்

Like Us on Facebook Dinkaran Daily News
  • kalavaram2020

    டெல்லி கலவரத்தில் உயிரிழந்தோரின் எண்ணிக்கை 34ஆக உயர்வு: நேசித்தவர்களின் இழப்பை நினைத்து குடும்பங்கள் கதறல்

  • flight2020

    கொரோனா வைரஸ் பாதிப்பு: 18 டன் மருந்து பொருட்களுடன் இந்திய ராணுவ விமானம் சீனா சென்றது

  • keeladi20

    தோண்ட தோண்ட கீழடியில் அதிசயம்: 6-ம் கட்ட அகழாய்வில் முதுமக்கள் தாழி போன்ற அமைப்பு கண்டுபிடிப்பு

  • raajeshaathan20

    ராஜஸ்தானில் பேருந்து ஆற்றுக்குள் கவிழ்ந்து விபத்து: 25 பேர் பலி...பலர் கவலைக்கிடம்!

  • 27-02-2020

    27-02-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்