SUN குழுமத்திலிருந்து வெளிவரும் காலை நாளிதழ்

தொழிலாளர் உதவி ஆணையர் அறிவுறுத்தல் பாலியல் குற்ற அறிக்கைகளை மருத்துவர்கள் எளிய முறையில் சமர்ப்பிக்க வேண்டும்

12/10/2019 7:28:42 AM

திருவாரூர்: பாலியல் குற்றங்கள் தொடர்பான அறிக்கைகளை மருத்துவர்கள் எளிய முறையில் சமர்பிக்க வேண்டும் என திருவாரூரில் நடைபெற்ற மருத்தவ அலுவலகர்களுக்கான திறன் வளர்ப்பு பயிற்சி முகாமில் மாவட்ட முதன்மை நீதிபதி கலைமதி பேசினார். திருவாரூர் மாவட்ட ஆட்சியரக கூட்டரங்கில் மாவட்ட சட்டப்பணிகள் ஆணைக்குழு மற்றும் மாவட்ட குழந்தைகள் பாதுகாப்பு அலகு சார்பில் பாலியல் குற்றங்களிலிருந்து குழந்தைகளைபாதுகாக்கும் (திருத்தப்பட்டது) சட்டம் 2019 தொடர்பான சட்ட மருத்துவம் குறித்த மருத்தவ அலுவலகர்களுக்கான திறன் வளர்ப்பு பயிற்சியினை மாவட்ட முதன்மை அமர்வு நீதிபதி ஆர்.கலைமதி தலைமை வகித்து தொடங்கி வைத்தார். நிகழ்ச்சிக்கு டிஆர்ஓ பொன்னம்மாள், கூடுதல் மாவட்ட அமர்வு நீதிபதி பக்கிரிசாமி, தலைமை குற்றவியல் நீதிதுறை நடுவர் விஜயகுமார் ஆகியோர் முன்னிலை வகித்தனர்.

இந்நிகழ்ச்சியில் மாவட்ட முதன்மை அமர்வு நீதிபதி ஆர்.கலைமதி தெரிவித் ததாவது, பாலியல் குற்றங் களிலிருந்து குழந்தைகளைப் பாதுகாக்கும் (திருத் தப் பட்டது) சட்டம் 2019ன் படி பாதிக்கப்பட்ட குழந்தைகளுக்கு மருத்துவம் மற்றும் உளவியல் சார்ந்த பரிசோதனைகள் மேற் கொள்ளப்படும் போது சட்டம் சார்ந்த நடை முறைகள் மற்றும் குழந்தைகளின் உளவியல் சார்ந்த பிரச்னைகளை கையாள வேண்டியுள்ளதால் மருத்துவ அலுவலர்களுக்கு பயிற்சி அளிக்கப்பட வேண்டும் என்பது அவசியமாகிறது. இதனை கருத்தில் கொண்டு இன்றைய தினம் இப்பயிற்சி வகுப்பானது நடத்தப்படுகிறது. பாலியல் குற்றங்கள் தொடர்பான அறிக்கைகளை மருத்துவர்கள் சமர்ப்பிக்கும் போது எளிய முறையில் புரிந்து கொள்ளும் வண்ணம் அறிக்கைகளை வழங்க வேண்டும்.

மேலும் பாலியல் வன்கொடுமைக்கு உள்ளாக்கப்பட்டார்களா என்பதனை அவர்களின் நடவடிக்கை கொண்டு அறிந்துகொண்டு அதனையும் அறிக்கையாக தர வேண்டும். இவ்வாறு மாவட்ட முதன்மை நீதிபதி கலை மதி தெரிவித்தார்.
இப்பயிற்சியில் மாவட்ட குழந்தைகள் பாதுகாப்பு அலுவலர் செல்வராசு, பெங்களுர் வைதேகி மருத்துவ மற்றும் ஆராய்ச்சி மையத்தைச் சார்ந்த தடயவியல் மருத்துவம், நச்சுயியல் தலைமைப் பேராசிரியர் டாக்டர் ஜெகதீஷ் நாராயண ரெட்டி, சென்னை துளிர் அமைப்பினைச் சார்ந்த வித்யா ரெட்டி மற்றும் நான்சி ஆகியோர் பங்கேற்றனர்.

மேலும் செய்திகள்

Like Us on Facebook Dinkaran Daily News
  • gggg20

    ஸ்பெயின் நாட்டை தாக்கிய குளோரியா புயல்: 144 கி.மீ வேகத்தில் காற்று வீச்சு; 44 அடி உயரத்திற்கு கடல் அலைகள் எழும்பியன

  • QuarantineWuhan24

    சீனாவை ஆட்டிப்படைக்கும் கொரோனா வைரஸ் தொற்றால் மொத்தமாக மூடப்பட்டுள்ள வூஹான் நகரம்..: பொதுமக்கள் பரிதவிப்பு!

  • rp23

    நாடு முழுவதும் முழுவீச்சில் நடைபெற்று வரும் குடியரசு தினவிழா ஒத்திகை நிகழ்ச்சியின் கண்கவர் படங்கள்

  • thai_ammamam

    தை அமாவாசை : ராமேஸ்வரம், காவிரி உள்ளிட்ட நீர்நிலைகளில் புனித நீராடி, முன்னோர்களுக்கு தர்ப்பணம் கொடுத்து மக்கள் வழிபாடு

  • mouni_amavaaa1

    வட இந்தியாவில் மவுனி அமாவாசை : திரிவேணி சங்கமத்தில் லட்சக்கணக்கானோர் புனித நீராடி, தங்களது முன்னோர்களுக்கு தர்பணம் கொடுத்து வழிபாடு

படங்கள் வீடியோ கல்வி சினிமா ஜோ‌திட‌ம்