SUN குழுமத்திலிருந்து வெளிவரும் காலை நாளிதழ்

பணி மறுக்கப்பட்டதால் பரபரப்பு ஆஞ்சநேயர் கோயில் பட்டாச்சாரியார் மருத்துவமனையில் அனுமதி

12/10/2019 2:11:48 AM

நாமக்கல், டிச.10:  நாமக்கல் ஆஞ்சநேயர் கோயில் அதிகாரி மீது டார்ச்சர் புகார் தெரிவித்து, பணி மறுக்கப்பட்ட பட்டாச்சாரியார், மருத்துவமனையில் அனுமதிக்கப்பட்டுள்ள சம்பவம் பரபரப்பை ஏற்படுத்தியுளளது. நாமக்கல் நரசிம்மசுவாமி கோயில் உதவி ஆணையராக பணியாற்றி வரும் ரமேஷ்(45) என்பவர், கடந்த வாரம் எஸ்.பி. அருளரசுவை சந்தித்து புகார் மனு அளித்தார். அதில், ஆஞ்சநேயர் கோயில் மற்றும் நரசிம்ம சுவாமி கோயிலை பற்றியும், தன்னைப் பற்றியும் வாட்ஸ் அப் குரூப்களில் அவதூறு பரப்பி வருகின்றனர். எனவே, அவதூறு பரப்புவோர் மீது நடவடிக்கை எடுக்க வேண்டும் என கூறியிருந்தார். இந்நிலையில், கடந்த 4ம் தேதி முதல், கோயில் பட்டாச்சாரியார் வெங்கடேசனுக்கு கோயிலில் பூஜை செய்ய அனுமதி மறுக்கப்பட்டுள்ளது. இதுதொடர்பாக வெங்கடேச பட்டாச்சாரியார் உதவி ஆணையரை சந்தித்து கேட்டுள்ளார். அப்போது, “வெங்கடேச பட்டாச்சாரியார் அட்மினாக இருக்கும் வாட்ஸ்அப் குருப்பில் தான், தன்னைப் பற்றியும், கோயிலை பற்றியும் அவதூறு பரப்பப்படுகிறது. அதற்கு உரிய விளக்கம் அளித்து எழுதி தர வேண்டும் என உதவி ஆணையர் கூறியுள்ளார். இதனால், வெங்கடேச பட்டாச்சாரியார் மன உளைச்சலில் இருந்து வந்துள்ளார். இந்நிலையில், நேற்று  வீட்டில்  திடீரென மயங்கி விழுந்தார். இதையடுத்து, அவரை உறவினர்கள் மீட்டு நாமக்கல்லில் உள்ள தனியார் மருத்துவமனையில் சேர்த்தனர். டாக்டர்களின் சிகிச்சைக்கு பின்பு நேற்று மாலை குணமடைந்தார்.

இதுகுறித்து வெங்கடேச பட்டாச்சாரியார் கூறுகையில், ‘கடந்த 4ம் தேதி முதல் எனக்கு கோயிலில் பூஜை செய்ய அனுமதி அளிக்கப்படவில்லை. இதுகுறித்து உதவி ஆணையர் வாய்மொழியாக என்னை அழைத்து கூறினார். அவர் கொடுத்த  டார்ச்சரால் தான் உடல்நிலை சரியில்லாமல் போனது. அவரைப்பற்றியும், கோயிலை பற்றியும் வாட்ஸ்அப் குருப்பில் நான் பதிவிடவில்லை,’ என்றார். இதுதொடர்பாக கோயில் உதவி ஆணையர் ரமேஷூடம் கேட்டபோது, அவர் கூறியதாவது:வெங்கடேச பட்டாச்சாரியார் நேற்று முன்தினம் மாலை 4 மணி வரை கோயிலில் தான் இருந்தார். மாலை 6 மணிக்கு வருவதாக என்னிடம் கூறிவிட்டுச் சென்றார். அவரை எந்த வகையிலும் நான் டார்ச்சர் செய்யவில்லை. உதவி ஆணையருக்கு உரிய பணியை தான் செய்து  வருகிறேன். இவ்வாறு அவர் கூறினார்.

மேலும் செய்திகள்

Like Us on Facebook Dinkaran Daily News
  • varaverppu stage20

    உலகின் மிக பெரிய கிரிக்கெட் மைதானத்தில் நடைபெற்ற பிரமாண்ட நமஸ்தே டிரம்ப் நிகழ்ச்சி : அதிபர் டிரம்ப், மோடி சிறப்புமிக்க உரை ; ஒரு லட்சம் பேர் பங்கேற்பு

  • america athipar2020

    காந்தியின் சபர்மதி ஆசிரமத்தில் ராட்டையை சுழற்றி பார்த்த அதிபர் டிரம்ப்: ஆசிரமத்தின் பெருமைகளை ட்ரம்ப்பிற்கு எடுத்துரைத்தார் பிரதமர் மோடி!!

  • trumb12020

    இந்திய மண்ணில் முதன் முறையாக கால் பதித்த அமெரிக்க அதிபர் ட்ரம்ப்!: அகமதாபாத்தில் ஆரத்தழுவி பிரதமர் மோடி வரவேற்பு!!

  • school20

    ஸ்ரீநகரில் 7 மாதங்களுக்கு பிறகு மீண்டும் இன்று பள்ளிகள் திறப்பு: மாநில கல்வித்துறை இயக்குனர் அறிவிப்பு

  • jaya20

    முன்னாள் முதல்வர் ஜெயலலிதா பிறந்தநாளையொட்டி அவரது திருவுருவ படத்திற்கு ஈ.பி.எஸ்., ஓ.பி.எஸ் உள்ளிட்டோர் மலர் தூவி மரியாதை

படங்கள் வீடியோ கல்வி சினிமா ஜோ‌திட‌ம்