SUN குழுமத்திலிருந்து வெளிவரும் காலை நாளிதழ்

கபாலீஸ்வரர் கோயிலுக்கு வெடிகுண்டு மிரட்டல் விவகாரம் எனது பெயரை தவறாக பயன்படுத்தி மிரட்டல் விடுத்தவர் மீது நடவடிக்கை : பாதிக்கப்பட்டவர் போலீசில் புகார்

12/7/2019 6:33:28 AM

சென்னை, டிச.7: கபாலீஸ்வரர் கோயிலுக்கு எனது பெயரில் மிரட்டல் கடிதம் அனுப்பிய நபர் மீது நடவடிக்கை எடுக்க வேண்டும், என பாதிக்கப்பட்ட நபர் சைதாப்பேட்டை காவல் நிலையத்தில் புகார் அளித்துள்ளார். மயிலாப்பூர் கபாலீஸ்வரர் கோயிலுக்கு நேற்று முன்தினம் வெடிகுண்டு மிரட்டல் கடிதம் வந்தது. இதையடுத்து மயிலாப்பூர் போலீசார் மற்றும் வெடிகுண்டு நிபுணர்கள் கோயில் முழுவதும் தீவிர சோதனை நடத்தினர். அப்போது அது ெவறும் புரளியென தெரியவந்தது. இதுகுறித்து போலீசார் வழக்கு பதிவு செய்து, மிரட்டல் கடிதத்தில் இருந்த முகவரியை வைத்து சைதாப்பேட்டையை சேர்ந்த முஹம்மது ஹனீப் பாகவி என்பவரது வீட்டுக்கு சென்று, அவரை பிடித்து விசாரணை நடத்தினர். அப்போது, மிரட்டல் கடிதத்திற்கும் எனக்கு எந்த சம்பந்தமும் இல்லை. எனக்கு வேண்டாதவர்கள் யாரோ என் பெயரில் வெடிகுண்டு மிரட்டல் விடுத்துள்ளனர் என்று கூறி அதற்கான விளக்கத்தையும் கொடுத்தார்.

இருந்தாலும் போலீசார் அவரிடம் தொடர்ந்து விசாரணை நடத்தி வருகின்றனர். இதற்கிடையே மிரட்டல் கடிதம் அனுப்பியதாக கூறப்படும் முஹம்மது ஹனீப் பாகவி சைதாப்பேட்டை காவல் நிலையத்தில் புகார் ஒன்று அளித்தார். அந்த புகாரில், வெடிகுண்டு மிரட்டல் விடுத்த கடிதத்தில் உள்ள கையெழுத்து என்னுடைய கையெழுத்து இல்லை. யாரோ திட்டமிட்டு எனது பெயரை தவறாக பயன்படுத்தி இருக்கிறார்கள். எனவே சம்பந்தப்பட்ட நபரை கண்டறிந்து அவர் மீது உரிய நடவடிக்கை எடுக்க வேண்டும் என்று தெரிவித்துள்ளார். அதன்படி போலீசார் சம்பவம் குறித்து விசாரணை நடத்தி வருகின்றனர்.

மேலும் செய்திகள்

Like Us on Facebook Dinkaran Daily News
  • iyesu_kudaamuu1

    இயேசு கிறிஸ்து திருமுழுக்கு பெற்ற நாள் கொண்டாட்டம் : ரஷ்யாவில் 53,000 பேர் புனித நீராடினர்

  • nirmalaa_alawaa1

    டெல்லியில் 'அல்வா' தயாரிப்புடன் மத்திய பட்ஜெட் ஆவண பதிப்பித்தல் பணியை தொடங்கி வைத்தார் நிதியமைச்சர் நிர்மலா சீதாராமன்!!

  • telanagana_leopardd1

    தெலங்கானாவில் வீட்டு மாடியில் பதுங்கிய சிறுத்தை: நீண்ட போராட்டத்திற்கு பிறகு வனத்துறையிடம் பிடிப்பட்டது

  • 21-01-2020

    21-01-2020 இன்றைய சிறப்பு படங்கள்

  • thanajai_mmm

    சாரங்க் ஹெலிகாப்டர்களின் சாகசங்களுடன் தஞ்சை விமான படைதளத்தில் பிரம்மோஸ் ஏவுகணைகளுடன் 6 சுகோய் 30 எம்.கே.ஐ. ரக விமானங்கள் இணைப்பு

படங்கள் வீடியோ கல்வி சினிமா ஜோ‌திட‌ம்