SUN குழுமத்திலிருந்து வெளிவரும் காலை நாளிதழ்

தலைமையாசிரியையை மாற்ற எதிர்ப்பு மாணவர்கள் திடீர் போராட்டம்

12/5/2019 5:29:43 AM

சிவகங்கை, டிச.4: சிவகங்கை அருகே முத்துப்பட்டி அரசுப்பள்ளி தலைமையாசிரியை மீது நடவடிக்கை எடுக்காமல் அவர் இதே பள்ளியிலேயே பணியாற்ற வேண்டும் என வலியுறுத்தி மாணவர்கள், பெற்றோர்கள் போராட்டம் நடத்தினர். சிவகங்கை அருகே முத்துப்பட்டியில் ஊராட்சி ஒன்றிய நடுநிலைப்பள்ளி உள்ளது. இப்பள்ளியில் தலைமையாசிரியையாக கீதாஞ்சலி, அறிவியல் ஆசிரியையாக சங்கீதா பணிபுரிந்து வருகின்றனர். கடந்த 27ம் தேதி அறிவியல் ஆசிரியை சங்கீதா பள்ளியின் ஆய்வகத்தில் ஆய்விற்காக வைக்கப்பட்டிருந்த சோடியம் கார்பனைட்டை அருந்தி தற்கொலைக்கு முயன்றார்.

தலைமையாசிரியை கீதாஞ்சலி திட்டியதால் தான் தற்கொலைக்கு முயன்றதாக சங்கீதா புகார் அளித்தார். இதன் பேரில் கீதாஞ்சலி மீது வழக்கு பதிவு செய்யப்பட்டுள்ளது. இப்பிரச்சினையால் தலைமையாசிரியை மீது நடவடிக்கை எடுக்கப்படும், அவர் வேறு பள்ளிக்கு மாற்றப்படுவார் என தகவல் கிடைத்தது. இதனிடையே அவரை வேறு பள்ளிக்கு மாற்றக்கூடாது. அவர் இதே பள்ளியில் பணியாற்ற வேண்டும் என வலியுறுத்தி நேற்று காலை பள்ளி மாணவர்கள், பெற்றோர்கள், கிராமத்தினர் பள்ளி முன் திடீரென போராட்டம் நடத்தினர். மாணவர்கள் பள்ளி வகுப்பறைக்குள் செல்லாமல் புறக்கணித்தனர். போராட்டம் நடத்தியவர்களிடம் மாவட்ட கல்வி அலுவலர் அமுதா, சிவகங்கை தாசில்தார் மைலாவதி பேச்சுவார்த்தை நடத்தினார். இதையடுத்து சுமார் ஒரு மணி நேர போராட்டம் முடிவுக்கு வந்தது.

மேலும் செய்திகள்

Like Us on Facebook Dinkaran Daily News
  • iyesu_kudaamuu1

    இயேசு கிறிஸ்து திருமுழுக்கு பெற்ற நாள் கொண்டாட்டம் : ரஷ்யாவில் 53,000 பேர் புனித நீராடினர்

  • nirmalaa_alawaa1

    டெல்லியில் 'அல்வா' தயாரிப்புடன் மத்திய பட்ஜெட் ஆவண பதிப்பித்தல் பணியை தொடங்கி வைத்தார் நிதியமைச்சர் நிர்மலா சீதாராமன்!!

  • telanagana_leopardd1

    தெலங்கானாவில் வீட்டு மாடியில் பதுங்கிய சிறுத்தை: நீண்ட போராட்டத்திற்கு பிறகு வனத்துறையிடம் பிடிப்பட்டது

  • 21-01-2020

    21-01-2020 இன்றைய சிறப்பு படங்கள்

  • thanajai_mmm

    சாரங்க் ஹெலிகாப்டர்களின் சாகசங்களுடன் தஞ்சை விமான படைதளத்தில் பிரம்மோஸ் ஏவுகணைகளுடன் 6 சுகோய் 30 எம்.கே.ஐ. ரக விமானங்கள் இணைப்பு

படங்கள் வீடியோ கல்வி சினிமா ஜோ‌திட‌ம்