SUN குழுமத்திலிருந்து வெளிவரும் காலை நாளிதழ்

நீட் தேர்வு விண்ணப்பங்களை பள்ளிகளில் பதிவு செய்ய வேண்டும் மாணவர்கள் கோரிக்கை

12/5/2019 5:26:06 AM

பழநி, டிச. 5: நீட் தேர்விற்கான விண்ணப்பங்களை பள்ளிகளிலேயே பதிவு செய்ய வேண்டுமென மாணவர்கள் கோரிக்கை விடுத்துள்ளனர். 12ம் வகுப்பு படிக்கும் மாணவர்கள் மருத்துவப் படிப்பில் சேர்வதற்கு நீட் எனப்படும் போட்டி தேர்வினை கடந்த 2 ஆண்டுகளாக மத்திய அரசு அமல்படுத்தி உள்ளது. இந்த ஆண்டிற்கான தேர்விற்கு விண்ணப்பிக்க வரும் டிச.31ம் தேதி கடைசி நாளாக அறிவிக்கப்பட்டுள்ளது. இந்த தேர்விற்கான கட்டணம் பொதுப்பிரிவினருக்கு ரூ.1400ம், தாழ்த்தப்பட்ட மற்றும் பழங்குடியினருக்கு ரூ.750ம் நிர்ணயிக்கப்பட்டுள்ளது. இத்தேர்விற்கு கிராமப்புற ஏழை மாணவர்கள் ஏராளமானோர் விண்ணப்பித்து வருகின்றனர். ஆனால், விண்ணபிக்க தனியார் மையங்களுக்கு செல்ல வேண்டிய சூழல் ஏற்பட்டுள்ளது. இதனால் ஏழை மாணவர்கள் கடும் அவதிக்குள்ளாகி உள்ளனர். எனவே, நீட் தேர்விற்கான விண்ணப்பங்களை பள்ளிகளிலேயே பதிவு செய்யும் முறையை ஏற்படுத்த கல்வித்துறை பரிசீலனை செய்ய வேண்டுமென மாணவர்கள் கோரிக்கை விடுத்துள்ளனர்.

இதுகுறித்து ஆயக்குடி இலவச பயிற்சி மைய இயக்குநர் ராமமூர்த்தி கூறியதாவது, ‘அரசு பள்ளியில் பயிலும் மாணவர்கள் தனியார்களின் பிரவுசிங் சென்டர்களை நாட வேண்டி உள்ளது. இதனால் மாணவர்களுக்கு கூடுதல் பணம் செலுத்த வேண்டிய சூழலும், சிரமமும் ஏற்படுகிறது. இதை போக்கும் விதத்தில் அரசு பள்ளிகளில் மற்றும் அரசின் இ.சேவை மையங்களில் விண்ணப்பங்களை பூர்த்தி செய்யும் அனுப்பும் முறையை நடைமுறைப்படுத்த கல்வித்துறை நடவடிக்கை எடுக்க வேண்டும். தேர்வு கட்டணத்தை அரசே ஏற்றுக் கொள்வது ஏழை மாணவர்களுக்கு மேலும் நன்மை ஏற்படவதாய் இருக்கும். இவ்வாறு அவர் கூறினார்.

மேலும் செய்திகள்

Like Us on Facebook Dinkaran Daily News
  • iyesu_kudaamuu1

    இயேசு கிறிஸ்து திருமுழுக்கு பெற்ற நாள் கொண்டாட்டம் : ரஷ்யாவில் 53,000 பேர் புனித நீராடினர்

  • nirmalaa_alawaa1

    டெல்லியில் 'அல்வா' தயாரிப்புடன் மத்திய பட்ஜெட் ஆவண பதிப்பித்தல் பணியை தொடங்கி வைத்தார் நிதியமைச்சர் நிர்மலா சீதாராமன்!!

  • telanagana_leopardd1

    தெலங்கானாவில் வீட்டு மாடியில் பதுங்கிய சிறுத்தை: நீண்ட போராட்டத்திற்கு பிறகு வனத்துறையிடம் பிடிப்பட்டது

  • 21-01-2020

    21-01-2020 இன்றைய சிறப்பு படங்கள்

  • thanajai_mmm

    சாரங்க் ஹெலிகாப்டர்களின் சாகசங்களுடன் தஞ்சை விமான படைதளத்தில் பிரம்மோஸ் ஏவுகணைகளுடன் 6 சுகோய் 30 எம்.கே.ஐ. ரக விமானங்கள் இணைப்பு

படங்கள் வீடியோ கல்வி சினிமா ஜோ‌திட‌ம்