SUN குழுமத்திலிருந்து வெளிவரும் காலை நாளிதழ்

கோவை மாவட்டத்தில் 228 ஊராட்சிகளுக்கு தேர்தல் நாளை முதல் வேட்பு மனு தாக்கல்

12/5/2019 5:14:52 AM

கோவை, டிச.5: கோவை மாவட்டத்தில் உள்ளாட்சி தேர்தலுக்கான வேட்பு மனு தாக்கல் நாளை துவங்குகிறது. கோவை மாவட்டத்தில் ஊராட்சி பகுதிகளுக்கான தேர்தல் அறிவிக்கப்பட்டுள்ளது. மாவட்ட அளவில் 12 ஊராட்சி ஒன்றியங்கள் உள்ளது. இதில் 228 ஊராட்சிகளுக்கு தேர்தல் நடத்தப்படவுள்ளது. முதல் கட்டமாக மதுக்கரை, ஆனைமலை, கிணத்துக்கடவு, பொள்ளாச்சி வடக்கு, பொள்ளாச்சி தெற்கு பகுதி ஊராட்சி ஒன்றியத்திற்கான தேர்தல் வரும் 27ம் தேதி நடத்தப்படும். வரும் 30ம் தேதி காரமடை, பெரியநாயக்கன்பாளையம், சரக்கார் சாமக்குளம், தொண்டாமுத்தூர், அன்னூர், சூலூர், சுல்தான் பேட்டை ஒன்றியங்களுக்கான தேர்தல் நடத்தப்படவுள்ளது. மாவட்ட அளவில் ஊராட்சி பகுதியில் 4,36,327 ஆண் வாக்காளர்கள், 4,57,243 பெண் வாக்காளர்கள், 25 மூன்றாம் பாலினத்தவர் என 8,93,645 வாக்காளர்கள் உள்ளனர். 228 கிராம ஊராட்சிகளில் 2,034 வார்டு கவுன்சிலர், 155 மாவட்ட கவுன்சிலர், 228 கிராம பஞ்சாயத்து தலைவர் பதவி, 17 மாவட்ட வார்டு கவுன்சிலர் பதவிக்கு தேர்தல் நடக்கவுள்ளது. இந்த 4 வகை பதவிக்கு மனு தாக்கல் செய்யலாம் என தெரிவிக்கப்பட்டுள்ளது.

நாளை முதல் வரும் 13ம் தேதி வரை வேட்பு மனு தாக்கல் செய்யலாம். வரும் 13ம் தேதி மனு தாக்கல் செய்ய இறுதி நாள். வரும் 16ம் வேட்பு மனு தொடர்பாக ஆய்வு நடத்தப்படும். வரும் 18ம் தேதி வேட்பு மனு திரும்ப பெறலாம். அன்றைய தினம் இறுதி வேட்பாளர் பட்டியல் வெளியிடப்படும் என மாவட்ட தேர்தல் பிரிவினர் தெரிவித்துள்ளனர். காலை 10 மணி முதல் மாலை 5 மணி வரை சம்பந்தப்பட்ட ஊராட்சி அலுவலகத்தில் வேட்பு மனு தாக்கல் செய்யலாம். ஞாயிறு தினத்தில் மனு தாக்கல் செய்ய முடியாது. மாநில தேர்தல் ஆணையத்தின் விதிமுறைப்படி மனு தாக்கல் செய்யவேண்டும். விதிமுறைகளை மீறக்கூடாது என தெரிவிக்கப்பட்டுள்ளது. மாவட்ட அளவில் ஊராட்சி பகுதிகளில் 1,520 ஓட்டு சாவடி அமைக்கப்படவுள்ளது. இந்த ஓட்டு சாவடிகளில் வாக்காளர்கள் ஓட்டு பதிவு செய்யலாம். 4 வகையான ஓட்டு சீட்டுகளில் ஓட்டு போடலாம். ஓட்டு பதிவு இயந்திரம் பயன்படுத்த மாட்டாது. 4 வகை நிறங்களில் ஓட்டு சீட்டு தயாராக உள்ளது. வேட்பாளர்கள் இறுதி செய்யப்பட்ட பின்னர், ஓட்டு சீட்டுகளில் பெயர், சின்னம் பதிவு செய்யப்படும் என தேர்தல் பிரிவினர் தெரிவித்தனர். மாவட்ட அளவில் 26 தேர்தல் நடத்தும் அலுவலர்கள் மற்றும் உதவி தேர்தல் நடத்தும் அலுவலர்கள் நியமிக்கப்பட்டுள்ளனர். இவர்களிடம் மனு தாக்கல் செய்யலாம் என அறிவிக்கப்பட்டுள்ளது.  மாவட்ட கலெக்டர் ராசாமணி உத்தரவின் பேரில், கலெக்டரின் நேர்முக உதவியாளர் (பஞ்சாயத்து) முத்துகருப்பன் மேற்பார்வையில் தேர்தல் பணி தீவிரப்படுத்தப்பட்டுள்ளது.

மேலும் செய்திகள்

Like Us on Facebook Dinkaran Daily News
  • iyesu_kudaamuu1

    இயேசு கிறிஸ்து திருமுழுக்கு பெற்ற நாள் கொண்டாட்டம் : ரஷ்யாவில் 53,000 பேர் புனித நீராடினர்

  • nirmalaa_alawaa1

    டெல்லியில் 'அல்வா' தயாரிப்புடன் மத்திய பட்ஜெட் ஆவண பதிப்பித்தல் பணியை தொடங்கி வைத்தார் நிதியமைச்சர் நிர்மலா சீதாராமன்!!

  • telanagana_leopardd1

    தெலங்கானாவில் வீட்டு மாடியில் பதுங்கிய சிறுத்தை: நீண்ட போராட்டத்திற்கு பிறகு வனத்துறையிடம் பிடிப்பட்டது

  • 21-01-2020

    21-01-2020 இன்றைய சிறப்பு படங்கள்

  • thanajai_mmm

    சாரங்க் ஹெலிகாப்டர்களின் சாகசங்களுடன் தஞ்சை விமான படைதளத்தில் பிரம்மோஸ் ஏவுகணைகளுடன் 6 சுகோய் 30 எம்.கே.ஐ. ரக விமானங்கள் இணைப்பு

படங்கள் வீடியோ கல்வி சினிமா ஜோ‌திட‌ம்