SUN குழுமத்திலிருந்து வெளிவரும் காலை நாளிதழ்

கோவையில் 3 மாடி கட்டிடத்தில் ‘திடீர்’ தீ விபத்து

12/5/2019 5:14:43 AM

கோவை, டிச.5:கோவையில் 3 மாடி கட்டிடத்தில் ஏற்பட்ட திடீர் ‘தீ’ விபத்தில் குடோனில் வைக்கப்பட்டிருந்த ரூ. 2 லட்சம் மதிப்பிலான பொருட்கள் எரிந்து நாசமானது. கோவை பைவ் கார்னர் இஸ்மாயில் வீதியில் வசிப்பவர் பாண்டியன்(40). மதுரை உசிலம்பட்டியை சேர்ந்த இவர் கோவை என்.எச். ரோடு பைவ் கார்னரில் உள்ள 3 மாடி கட்டிடத்தில் பேக் கடை வைத்துள்ளார். தரைதளத்தில் பேக் கடையும், முதல், 2, மற்றும் 3-வது தளங்களில் பேக்குகளை வைப்பதற்கான குடோனும் உள்ளது. 10 அடி அகலம் 40 அடி நீளம் கொண்ட இந்த கட்டிடத்தின் மூன்றாவது மாடியில் நேற்று காலை 8.30 மணி அளவில் கரும்புகை வெளியேறியது. அப்போது அங்கு ரோந்து சுற்றி வந்த போலீசார் உடனடியாக தீயணைப்பு துறையினருக்கு தகவல் கொடுத்தனர்.மாவட்ட தீயணைப்பு அதிகாரி (பொறுப்பு) கிருஷ்ணமூர்த்தி, உதவி மாவட்ட அதிகாரிகள் தவமணி, பாலகிருஷ்ணன், நிலைய தீயணைப்பு அதிகாரிகள் ரவிச்சந்திரன், மருதமுத்து ஆகியோர் தலைமையில் தெற்கு தீயணைப்பு நிலையத்தில் இருந்து 2 வாகனங்களும், வடக்கு தீயணைப்பு நிலையத்தில் இருந்து ஒரு வாகனம் என 3 வாகனத்தில் 21 வீரர்கள் சம்பவ இடத்துக்கு விரைந்து வந்து தீயை அணைக்கும் பணியில் ஈடுபட்டனர். போக்குவரத்து போலீசார் அப்பகுதியில் உடனடியாக போக்குவரத்தை நிறுத்தி பாதுகாப்பு பணியில் ஈடுபட்டனர்.பேக் கடையை ஒட்டியவாறு கேஸ் ஸ்டவ், குக்கர் விற்பனை செய்யும் கடை, அதன் மேல் மாடியில் 2 வீடுகள் உள்ளது. இதன் அருகில் நோட்டு, புத்தகம் கடை, செருப்பு கடை உள்பட என ஏராளமான கடைகள் அடுத்தடுத்து உள்ளன. வீரர்கள் துரிதமாக செயல்பட்டு தீ மேலும் பரவாமல் உடனடியாக தீயை அணைத்ததால் பெருத்த சேதம் தவிர்க்கப்பட்டது. இருப்பினும் தீயில் ரூ.2 லட்சம் மதிப்பிலான பேக்குகள் எரிந்து நாசமானது. இந்த தீ விபத்து மின்கசிவு காரணமாக ஏற்பட்டதாக விசாரணையில் தெரியவந்தது. மேற்கொண்டு போலீசார் விசாரணை நடத்தி வருகின்றனர்.

மேலும் செய்திகள்

Like Us on Facebook Dinkaran Daily News
  • iyesu_kudaamuu1

    இயேசு கிறிஸ்து திருமுழுக்கு பெற்ற நாள் கொண்டாட்டம் : ரஷ்யாவில் 53,000 பேர் புனித நீராடினர்

  • nirmalaa_alawaa1

    டெல்லியில் 'அல்வா' தயாரிப்புடன் மத்திய பட்ஜெட் ஆவண பதிப்பித்தல் பணியை தொடங்கி வைத்தார் நிதியமைச்சர் நிர்மலா சீதாராமன்!!

  • telanagana_leopardd1

    தெலங்கானாவில் வீட்டு மாடியில் பதுங்கிய சிறுத்தை: நீண்ட போராட்டத்திற்கு பிறகு வனத்துறையிடம் பிடிப்பட்டது

  • 21-01-2020

    21-01-2020 இன்றைய சிறப்பு படங்கள்

  • thanajai_mmm

    சாரங்க் ஹெலிகாப்டர்களின் சாகசங்களுடன் தஞ்சை விமான படைதளத்தில் பிரம்மோஸ் ஏவுகணைகளுடன் 6 சுகோய் 30 எம்.கே.ஐ. ரக விமானங்கள் இணைப்பு

படங்கள் வீடியோ கல்வி சினிமா ஜோ‌திட‌ம்