SUN குழுமத்திலிருந்து வெளிவரும் காலை நாளிதழ்

வெள்ளலூர் குடியிருப்பு பகுதிகளில் குற்றங்களை கண்காணிக்க 32 கண்காணிப்பு கேமராக்கள்

11/22/2019 1:01:01 AM

கோவை, நவ.22: வெள்ளலூர் குடியிருப்பு பகுதிகளில் குற்றங்களை கண்காணிக்க 32 கண்காணிப்பு கேமராக்களின் இயக்கத்தை போலீஸ் கமிஷனர் சுமித்சரண் துவக்கி வைத்து பார்வையிட்டார். கோவை வெள்ளலூரில் தமிழ்நாடு குடிசை மாற்று வாரிய குடியிருப்பு வளாகம் உள்ளது. இங்கு 4 மாடி கட்டிடத்தில் 80 பிளாக்குகளில் 2816 வீடுகள் கட்டப்பட்டுள்ளன. கோவையில் பல்வேறு பகுதிகளில் ஆக்கிரமிப்பு பகுதிகளில் இருந்து மாற்றப்பட்ட மக்கள் இங்கு வசித்து வருகின்றனர். இந்த பகுதிகளில் சட்ட விரோத செயல்களான திருட்டு, வழிப்பறி உள்ளிட்ட பல்வேறு குற்றங்கள் நடைபெறுவதாக புகார்கள் வந்தன. இதனை தடுக்கும் வகையில் போத்தனூர் காவல் நிலையம் சார்பில் புறக்காவல் நிலையம் அமைக்கப்பட்டுள்ளது. இப்பகுதியையொட்டிய பகுதிகளில் 32 கண்காணிப்பு கேமராக்கள் பொருத்தப்பட்டுள்ளன.

இதனையொட்டி புறக்காவல் நிலையம் மற்றும் கேமராக்களின் துவக்க விழா நேற்று நடந்ததது. போலீஸ் கமிஷனர் சுமித் சரண் புறக்காவல் நிலையத்தை திறந்து வைத்து கண்காணிப்பு கேமராக்களின் இயக்கத்தை தொடங்கி வைத்தார். பிறகு பூங்காவில் மரக்கன்று நட்டார். அவர் கூறுகையில், ‘‘போத்தனூர் காவல்நிலையத்திற்குட்பட்ட சுந்தராபுரத்தில் 120 கேமராக்கள் பொருத்தப்பட்டுள்ளது. 2ம் கட்டமாக வெள்ளலூரில் 32 கேமராக்கள் பொருத்தப்பட்டு, புறக்காவல் நிலையமும் திறக்கப்பட்டுள்ளது. இங்கு ஷிப்டுக்கு 2 பேர் பணியில் இருப்பர். இதன் மூலம் குற்றங்கள் நடைபெறுவது குறையும்’’. என்றார்.இவ்விழாவில் துணை போலீஸ் கமிஷனர்கள் பாலாஜி சரவணன், உமா, செல்வக்குமார், உதவி போலீஸ் கமிஷனர் செட்ரிக்மேனுவேல் உள்ளிட்ட போலீஸ் உயர் அதிகாரிகள் பலர் பங்கேற்றனர்.

மேலும் செய்திகள்

Like Us on Facebook Dinkaran Daily News
  • 10-12-2019

    10-12-2019 இன்றைய சிறப்பு படங்கள்

  • hongkiong_1211

    அரசுக்கு எதிரான ஆர்ப்பாட்டங்களின் 6 மாத கால நிறைவை முன்னிட்டு ஹாங்காங்கில் பிரம்மாண்ட பேரணி : ஆயிரக்கணக்கானோர் பங்கேற்பு

  • northesat_masothaa1

    குடியுரிமை சட்ட திருத்த மசோதாவுக்கு எதிரான போராட்டங்களால் போர்க்களமாகி உள்ள வடகிழக்கு மாநிலங்கள்

  • dragon_shapes_chinaa1

    40 மீட்டர் நீள டிராகன், பாண்டா.. சீன புத்தாண்டை முன்னிட்டு எஸ்டோனிய தலைநகரை அலங்கரித்த ஒளிரும் உருவங்கள்

  • puthucheri_cmnarayana

    சோனியா காந்தி பிறந்த நாள் விழாவில் பெண்களுக்கு பரிசாக வெங்காயத்தை வழங்கினார் புதுச்சேரி முதல்வர்!!

படங்கள் வீடியோ கல்வி சினிமா ஜோ‌திட‌ம்