SUN குழுமத்திலிருந்து வெளிவரும் காலை நாளிதழ்

வன்கொடுமை எதிர்ப்பு தின விழிப்புணர்வு பேரணி

11/20/2019 7:34:15 AM

மன்னார்குடி, நவ. 20: குழந்தைகள் மீதான வன்கொடுமைகள் எதிர்ப்பு தினத்தையொட்டி மன்னார் குடியில் பள்ளி மாணவிகள் பங்கேற்ற விழிப்புணர்வு பேரணியை டிஎஸ்பி கார்த்திக் கொடியசைத்து துவக்கி வைத்தார்.
குழந்தைகள் மீது நடத்தப்படும் பாலியல் வன்முறை மற்றும் வன்கொடுமைகளை தடுக்க வலியுறுத்தி நவ 19ம் தேதி உலக குழந்தைகள் மீதான வன்கொடுமை தடுப்பு தினம் உலக பெண்கள் மாநாட்டு அமைப்பினரால் கடைபிடிக்கப்படுகிறது. குழந்தைகளை உடல் மற்றும் மன ரீதியாக துன்புறுத்துதல், வார்த்தைகளாலோ அல்லது உணர்வுகளை பாதிக்கும் வகையில் அவர்களிடம் நடந்து கொள்வது அவர்கள் மீதான வன்கொடுமையாக பார்க்கப்படுகிறது.இந்நிலையில் திருவாரூர் கலெக்டர் ஆனந்த் அறிவுறுத்தலின் பேரில் சமூக பாதுகாப்புத்துறை ஒருங்கிணைந்த குழந்தைகள் பாதுகாப்பு திட்டம் சார்பில் குழந்தைகள் மீதான வன்கொடுமைகள் எதிர்ப்பு தின விழிப்புணர்வு பேரணி மன்னார்குடியில் நடைபெற்றது. ராஜகோபால சுவாமி கோயில் அருகே தேரடி பகுதில் இருந்து துவங்கிய பேரணியை டிஎஸ்பி கார்த்திக் கொடியசைத்து துவக்கி வைத்தார்.

இதில் தாசில்தார் கார்த்திக் உள்ளிட்ட பல்வேறு அரசுத்துறைகளை சேர்ந்த அதிகாரிகள் பங்கேற்றனர். பேரணியில் பல்வேறு பள்ளிகளை சேர்ந்த மாணவிகள் கலந்து கொண்டு பெண்கள் மற்றும் குழந்தைகளுக்கு எதிரான நடவடிக்கைகளை தடுத்து நிறுத்துவது குறித்த விழிப்புணர்வு வாசகங்கள் அடங்கிய பதாகைகளை கையில் ஏந்திய படி கோஷங்களை எழுப்பியவாறு சென்றனர். பேரணி முக்கிய வீதிகள் வழியாக வந்து குழந்தைகள் காப்பகத்தில் நிறைவடைந்தது. அங்கு மாணவிகளுக்கு பல்வேறு விழிப்புணர்வு நிகழ்ச்சிகள் நடத்தப்பட்டன.

மேலும் செய்திகள்

Like Us on Facebook Dinkaran Daily News
  • gggg20

    ஸ்பெயின் நாட்டை தாக்கிய குளோரியா புயல்: 144 கி.மீ வேகத்தில் காற்று வீச்சு; 44 அடி உயரத்திற்கு கடல் அலைகள் எழும்பியன

  • QuarantineWuhan24

    சீனாவை ஆட்டிப்படைக்கும் கொரோனா வைரஸ் தொற்றால் மொத்தமாக மூடப்பட்டுள்ள வூஹான் நகரம்..: பொதுமக்கள் பரிதவிப்பு!

  • rp23

    நாடு முழுவதும் முழுவீச்சில் நடைபெற்று வரும் குடியரசு தினவிழா ஒத்திகை நிகழ்ச்சியின் கண்கவர் படங்கள்

  • thai_ammamam

    தை அமாவாசை : ராமேஸ்வரம், காவிரி உள்ளிட்ட நீர்நிலைகளில் புனித நீராடி, முன்னோர்களுக்கு தர்ப்பணம் கொடுத்து மக்கள் வழிபாடு

  • mouni_amavaaa1

    வட இந்தியாவில் மவுனி அமாவாசை : திரிவேணி சங்கமத்தில் லட்சக்கணக்கானோர் புனித நீராடி, தங்களது முன்னோர்களுக்கு தர்பணம் கொடுத்து வழிபாடு

படங்கள் வீடியோ கல்வி சினிமா ஜோ‌திட‌ம்