SUN குழுமத்திலிருந்து வெளிவரும் காலை நாளிதழ்

மூதாட்டி இறுதி ஊர்வலத்தில் வீடு அருகே பூக்களை வீசியதால் தகராறு

11/20/2019 6:30:18 AM

ஒரத்தநாடு, நவ. 20: ஒரத்தநாடு அருகே மூதாட்டி இறுதி ஊர்வலத்தில் வீடு அருகே பூக்களை வீசியதால் ஏற்பட்ட தகராறில் 2 பேர் காயமடைந்தனர். இதுதொடர்பாக 6 பேர் மீது வழக்குப்பதிந்து 4 பேரை போலீசார் கைது செய்தனர். ஒரத்தநாடு தாலுகா வீரடிவாரி கிராமத்தை சேர்ந்த மூதாட்டி சிவபாக்கியம் (70). இவர் கடந்த 14ம் தேதி உடல்நல குறைவால் இறந்தார். அவரது இறுதி ஊர்வலம் அன்று மாலை வீட்டிலிருந்து புறப்பட்டு ஒரத்தநாட்டிலிருந்து செல்லம்பட்டி செல்லும் சாலையில் சென்றது. அப்போது சிவபாக்கியத்தின் உறவினர்கள் ராஜேந்திரன் (55), கணேசன் (29) ஆகியோர் சாலையோரத்தில் இருந்த வீடுகள் எதிரே பூக்களை வீசி சென்றனர். ராஜகோபால் என்பவரது வீட்டுக்கு எதிரிலும் வீசினர். இதனால் ராஜகோபால் சம்பவ இடத்துக்கு வந்து ராஜேந்திரன், கணேசன் ஆகியோரிடம் வீட்டுவாசலில் பூக்களை வீசாதீர்கள் என்று கண்டித்தார். இதனால் ஆத்திரமடைந்து ராஜகோபாலை இருவரும் தாக்கினர். இதில் படுகாயமடைந்த ராஜகோபால், ஒரத்தநாடு அரசு பொது மருத்துவமனையில் சேர்க்கப்பட்டார்.

இந்நிலையில் ராஜேந்திரன் மகளான ஆசிரியை தீபா அவ்வழியே வந்தார். அப்போது தீபாவை ராஜகோபாலின் உறவினர்கள் பார்த்திபன் (28), ராஜதுரை (27), கண்ணகி, மீனாட்சி ஆகியோர் தாக்கினர். இந்த தகவல் கிடைத்ததும் ஒரத்தநாடு போலீசார் சம்பவ இடத்துக்கு சென்று ராஜகோபாலை தாக்கிய ராஜேந்திரன் மற்றும் கணேசன் மீது ஒரு வழக்குப்பதிவும், தீபா கொடுத்த புகாரின்பேரில் பார்த்திபன், ராஜதுரை, கண்ணகி, மீனாட்சி ஆகியோர் மீதும் வழக்குப்பதிந்து விசாரித்தனர். இதைதொடர்ந்து நேற்று ராஜேந்திரன், கணேசன், பார்த்திபன், ராஜதுரை ஆகியோரை போலீசார் கைது செய்தனர். மேலும் கண்ணகி, மீனாட்சி ஆகியோரை போலீசார் தேடி வருகின்றனர்.

மேலும் செய்திகள்

Like Us on Facebook Dinkaran Daily News
  • gggg20

    ஸ்பெயின் நாட்டை தாக்கிய குளோரியா புயல்: 144 கி.மீ வேகத்தில் காற்று வீச்சு; 44 அடி உயரத்திற்கு கடல் அலைகள் எழும்பியன

  • QuarantineWuhan24

    சீனாவை ஆட்டிப்படைக்கும் கொரோனா வைரஸ் தொற்றால் மொத்தமாக மூடப்பட்டுள்ள வூஹான் நகரம்..: பொதுமக்கள் பரிதவிப்பு!

  • rp23

    நாடு முழுவதும் முழுவீச்சில் நடைபெற்று வரும் குடியரசு தினவிழா ஒத்திகை நிகழ்ச்சியின் கண்கவர் படங்கள்

  • thai_ammamam

    தை அமாவாசை : ராமேஸ்வரம், காவிரி உள்ளிட்ட நீர்நிலைகளில் புனித நீராடி, முன்னோர்களுக்கு தர்ப்பணம் கொடுத்து மக்கள் வழிபாடு

  • mouni_amavaaa1

    வட இந்தியாவில் மவுனி அமாவாசை : திரிவேணி சங்கமத்தில் லட்சக்கணக்கானோர் புனித நீராடி, தங்களது முன்னோர்களுக்கு தர்பணம் கொடுத்து வழிபாடு

படங்கள் வீடியோ கல்வி சினிமா ஜோ‌திட‌ம்