SUN குழுமத்திலிருந்து வெளிவரும் காலை நாளிதழ்

கட்டாமல் பாதியில் விடப்பட்ட கால்வாய் பாலத்தால் சாலையில் குட்டை போல் தேங்கி கிடக்கும் கழிவுநீர் துறையூர் அருகே அழகாபுரியின் அவலம்

11/20/2019 6:25:42 AM

துறையூர், நவ.20: துறையூர் அருகே அழகாபுரியில் உள்ள தெரு சாலையில் குட்டைபோல் கழிவுநீர் தேங்கி போக்குவரத்திற்கு இடையூறை ஏற்படுத்தி வருவதோடு சுகாதார சீர்கேட்டையும் உருவாக்கியுள்ளது.துறையூர் அருகே உப்பிலியபுரம் ஊராட்சி ஒன்றியத்திலுள்ளது அழகாபுரி ஊராட்சி. இந்த ஊராட்சியில் தெற்கு மாரியம்மன் கோயில் தெருவில் கட்டப்பட்டு வந்த கால்வாய் பாதியில் கைவிடப்பட்டதால் கழிவுநீர் கடந்து செல்ல முடியாதபடி சாலையிலே பல ஆண்டுகளாக தேங்கி நிற்கிறது. மேலும் ஊரில் அனைத்து பகுதியிலிருந்து வரும் கழிவுநீர் இந்த சாலையிலேயே குட்டை போல் தேங்கி கிடக்கிறது. தற்போது வாகனங்கள் செல்லும்போது நடந்து செல்லும் பாதசாரிகள் மீதும், அருகில் உள்ள கோயில் மீதும், சாக்கடை நீர் தெறிக்கிறது என குற்றச்சாட்டு் உள்ளது.

இது பற்றி பலமுறை ஊராட்சி நிர்வாகத்திடம் புகார் தெரிவித்தும் கண்டுகொள்ளவில்லை. உப்பிலியபுரம் ஊராட்சிஒன்றிய அலுவலகத்திலும் புகார் செய்து இதுவரை எந்த நடவடிக்கை எடுக்கப்படவில்லை. இந்த சாலை கழிவுநீரால் கொசுக்களின் கூடாரமாக மாறி தொற்றுநோய் பரவும் அபாயம் உள்ளதாகவும் இதனால் இப்பகுதி மக்களிடையே காய்ச்சல், டெங்கு போன்ற நோய்கள் பரவி இருப்பதாகவும் கூறுகின்றனர். ஊராட்சி நிர்வாகத்தின் அலட்சியத்தால் இந்த அவலநிலை ஏற்பட்டுள்ளதாக கிராம மக்கள் குற்றம்சாட்டுகின்றனர். எனவே மாவட்ட கலெக்டர் உடனடியாக நடவடிக்கை எடுத்து தேங்கி கிடக்கும் கழிவுநீர் செல்ல கால்வாயை பாலத்தை கட்டித்தர ஏற்பாடு செய்ய வேண்டும் என்று பொதுமக்கள் கோரிக்கை விடுத்துள்ளனர்.

மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்