SUN குழுமத்திலிருந்து வெளிவரும் காலை நாளிதழ்

ரெட்டியார்சத்திரம் ஒன்றியம் நீலமலைக்கோட்டையில் தனியார் ஆக்கிரமிப்பில் இருந்த நீர்நிலை ஓடைகள் மீட்பு அதிகாரிகள் அதிரடி

11/20/2019 6:01:55 AM

ஒட்டன்சத்திரம், நவ.20: தினகரன் செய்தி எதிரொலியாக ரெட்டியார்சத்திரம் அருகே நீலமலைக்கோட்டையில் தனியார் ஆக்கிரமிப்பில் இருந்த நீர்நிலை ஓடைப்பகுதியை அதிகாரிகள் அதிரடியாக மீட்டதையடுத்து, ஆக்கிரமிப்பாளர் மீது வழக்கு பகுதி செய்து போலீசார் கைது செய்துள்ளனர். திண்டுக்கல் மாவட்டம், ரெட்டியார்சத்திரம் ஒன்றியம் நீலமலைக்கோட்டையில் சுமார் 50 ஆண்டுகளுக்கும் மேலாக தனிநபர்கள் நீர்நிலைகளை ஆக்கிரமித்து, விவசாயம் செய்து வந்தனர். அதை மீட்கக்கோரி தினகரன் நாளிதழில் கடந்த நவ.15ந் தேதி செய்தியாக வெளியிடப்பட்டிருந்தது. அதன் பேரில் மாவட்ட ஆட்சியர் விஜயலட்சுமி உத்தரவின்படி வட்டாட்சியர் பாண்டிச்செல்வி, துணை வட்டாட்சியர் முத்துமுருகன், வட்டார வளர்ச்சி அலுவலர் விஜயசந்திரிகா, தலைமை நில அளவையர் மணிகண்டன், வருவாய் ஆய்வாளர் பிரியா, கிராம நிர்வாக அலுவலர் ராஜேஸ் உள்ளிட்ட அதிகாரிகள் ஜோத்தால்நாயக்கன்கோம்பை பகுதியில் ஆய்வு செய்தனர்.

அப்போது தனிநபர்களின் ஆக்கிரமிப்பில் இருந்த சுமார் ஒரு ஏக்கர் அரசு நிலம் மற்றும் இரு போர்வெல் ஆகியவை மீட்கப்பட்டது. மீட்கப்பட்ட நிலத்தில் நீலமலைக்கோட்டை விழுதுகள் அமைப்பின் சார்பில் பனை விதைகள் நடப்பட்டு, பராமரிக்கப்பட்டு வருகிறது. மேலும் நிர்நிலை ஓடைகளை ஆக்கிரமிப்பு செய்திருந்த கருப்புச்சாமி, திருமலைசாமி ஆகியோர் மீது வழக்கு பதிவு செய்யப்பட்டு, திருமலைசாமி கைது செய்யப்பட்டிருப்பதும் குறிப்பிடத்தக்கது. இதனால் அப்பகுதி விவசாயிகள் தினகரன் நாளிதழுக்கு தங்களது நன்றியை தெரிவித்துக்கொண்டனர்.

மேலும் செய்திகள்

Like Us on Facebook Dinkaran Daily News
  • 26-01-2020

    26-01-2020 இன்றைய சிறப்பு படங்கள்

  • 25-01-2020

    25-01-2020 இன்றைய சிறப்பு படங்கள்

  • gggg20

    ஸ்பெயின் நாட்டை தாக்கிய குளோரியா புயல்: 144 கி.மீ வேகத்தில் காற்று வீச்சு; 44 அடி உயரத்திற்கு கடல் அலைகள் எழும்பியன

  • QuarantineWuhan24

    சீனாவை ஆட்டிப்படைக்கும் கொரோனா வைரஸ் தொற்றால் மொத்தமாக மூடப்பட்டுள்ள வூஹான் நகரம்..: பொதுமக்கள் பரிதவிப்பு!

  • rp23

    நாடு முழுவதும் முழுவீச்சில் நடைபெற்று வரும் குடியரசு தினவிழா ஒத்திகை நிகழ்ச்சியின் கண்கவர் படங்கள்

படங்கள் வீடியோ கல்வி சினிமா ஜோ‌திட‌ம்